கடந்த 10 ஆண்டுகளில் 2.15 லட்சம் விவசாயிகள் தற்கொலை

கடந்த 10 ஆண்டுகளில் இந்தியாவில் 2.15 லட்சம் விவசாயிகள் தற்கொலை செய்துள்ளனர். விவசாயி கள் பிரச்சனைக்குத் தீர்வு காண சிறப்பு நாடாளுமன்ற அமர்வு நடத்த வேண்டும் என எம்.பி.க்கள் வியாழக் கிழமையன்று வலியுறுத் தினர். வேளாண்துறையில் மிக மோசமான நிலைமை ஏற்பட்டுள்ளது. இதற்கு மத்திய அரசும் திட்டக் குழுவும் காரணம் என எதிர்க் கட்சிகள் கடுமையாக மாநிலங்களவையில் குற்றம் சாட்டின.

வேளாண் துறை பிரச் சனைக்கு அரசையும் அரசியல் கட்சிகளையும் குற்றம் சாட்டிய பாஜக தலைவர் வெங்கய்யா நாயுடு, வேளாண் துறை மீது ஊட கங்களும் பாராமுகமாக இருந்துள்ளன என்று குற்றம் சாட்டினார்.

ஆண்டு இழப்பாக விவசாயிகள் ரூ.1 லட்சம் கோடி இழப்பை சந்திக் கிறார்கள். விவசாயத்திற்கு வாங்கியக் கடனை திரும்பக் கட்ட முடியாமல், அவர் கள் தற்கொலை செய்துள் ளனர் என்றும் அவர் தெரி வித்தார்.

உணவு தானிய இயக் கம், வேளாண் பொருட் களை ஏற்றுமதி செய்ய தடை, உற்பத்தி விலையைக் காட்டிலும் மிக குறைவான ஆதார விலையை நிர்ண யித்தல், உரவிலை அதி கரிப்பு போன்ற பல்வேறு பின்னடைவுகளால் விவ சாயிகள் கடன் நெருக் கடிக்கு ஆளாகி, உயிர் இழக்கும் நிலை உள்ளது என்றும் அவர் கூறினார். இந்தப் பிரச்சனைகளுக்கு தீர்வுகாண சிறப்பு நாடாளு மன்ற அமர்வை நடத்த வேண்டும் என்றும் அவர் வலியுறுத்தினார்.

கம்யூனிசத்தை நோக்கி சர்வதேச இளைஞர் பட்டாளம்!

முதலாளித்துவத்தின் தோல்வி, பொருளாதார நெருக்கடி, ஆட்சியாளர்களின் சர்வாதிகாரம் போன்ற அம்சங்களால் மார்க்சின் மூலதனம் நூலை வாங்கிப் படிக்க முற்பட்டதோடு, அமைப்பு ரீதியாகக் கம்யூனிசத்தை நோக்கி சர்வதேச அளவில் இளைஞர்கள் ஈர்க்கப்பட்டுள்ளனர்.

போர்ச்சுக்கல் தலைநகர் லிஸ்பனில் நடைபெற்ற உலக ஜனநாயக வாலிபர் கூட்டமைப்பின் மாநாட்டில் இதன் தாக்கம் இருந்தது. சோசலிசமே வருங்காலம் என்ற முழக்கத்தை உச்சரிக்கும் உதடுகளின் எண்ணிக்கை அதிகரித்துள்ளது என்று அந்த மாநாட்டில் பங்கேற்றவர்களில் பெரும்பாலானவர்கள் தெரிவித்தனர். ஏகாதிபத்திய வடிவத்தை எடுத்துள்ள முதலாளித்துவ அமைப்புதான் ஏற்றத்தாழ்வுகள், அநீதிகள் மற்றும் உலகில் நடக்கும் போர்கள் போன்றவற்றிற்குக் காரணமாக அமைந்துள்ளது. தற்போது ஏற்பட்டுள்ள நெருக்கடி என்பது அமைப்பை மோசமாக நிர்வாகம் செய்ததால் ஏற்படவில்லை. அமைப்பே நெருக்கடி என்பதுதான் தற்போதுள்ள பிரச்சனை. மனிதகுலத்தின் தேவைகளை நிறைவேற்ற ஒருபோதும் முதலாளித்துவத்தால் முடியாது என்று மாநாட்டு நிறைவாக கூட்டமைப்பு வெளியிட்ட அறிக்கையில் கூறப்பட்டிருந்தது.

அமெரிக்க இளைஞர்களின் மனநிலையை அந்நாட்டின் இளம் கம்யூனிஸ்ட் லீக்கின் தலைவரான லிசா பெர்க்மென், அமெரிக்க முதலாளித்துவ அமைப்பு தங்களைத் தோல்வியுறச் செய்துவிட்டது என்று எங்கள் நாட்டு இளைஞர்கள் தொண்டை கிழிய முழங்கிக் கொண்டிருக்கிறார்கள். வருங்காலத்தை இருளடையச் செய்து விட்டது முதலாளித்துவம். கல்விக்கான வாய்ப்புகள் இல்லை. பொருளாதாரம் நிலையாக இல்லை. உயர்நிலைப் பள்ளி மாணவர்கள் தங்கள் நண்பர்களை வன்முறைக்கு பலி கொடுத்துக் கொண்டிருக்கிறார்கள். தங்கள் பல்கலைக்கழகப் படிப்பை முடிக்கும்போது எக்கச்சக்கமான கடன்களைச் சுமந்து கொண்டே மாணவர்கள் வெளியேறுகிறார்கள். இதனால்தான் மேம்பட்ட உலகம் வேண்டும் என்று கோரி ஆயிரக்கணக்கான இளைஞர்கள் வீதிகளில் முழக்கமிட்டுக் கொண்டிருக்கிறார்கள் என்கிறார் அவர்.

அமெரிக்காவின் கைப்பற்றுவோம் போராட்டத்தில் ஏராளமான இளைஞர்கள் பங்கேற்று வருகிறார்கள். அவர்களில் கணிசமான எண்ணிக்கையிலானவர்கள் இளம் கம்யூனிஸ்ட் லீக் உறுப்பினர்களோடு கைகோர்த்து போராட்டக்களத்தில் உள்ளனர். சிகாகோவைக் கைப்பற்றுவோம் போராட்டத்தில் ஏராளமான இளம் கம்யூனிஸ்ட் உறுப்பினர்கள் கைது செய்யப்பட்டுள்ளார்கள். இளம் கம்யூனிஸ்ட் பள்ளிகள் ஐந்து இடங்களில் துவக்கப்பட்டுள்ளன. மார்க்ஸ் மற்றும் லெனின் கோட்பாடுகள், தொழிலாளர் இயக்கம், இனவெறிக்கு முற்றுப்புள்ளி வைத்தல் உள்ளிட்ட பல்வேறு அம்சங்கள் பற்றி இளம் கம்யூனிஸ்டுகளுக்கு வகுப்புகள் எடுக்கப்பட்டன. உறுப்பினராவதற்கு ஆன்லைன் பதிவு செய்யலாம் என்ற லீக்கின் அறிவிப்பு நூற்றுக்கணக்கான இளைஞர்களை உறுப்பினர்களாக்கியுள்ளது.

ரஷ்யா
அண்மையில் நடைபெற்ற நாடாளுமன்றத் தேர்தல் மற்றும் மோசடித் தேர்தலுக்கு எதிராகக் கிளம்பியுள்ள கடும் எதிர்ப்பு ஆகியவை ரஷ்யக் கம்யூனிஸ்ட் கட்சியில் ஏராளமான இளைஞர்கள் புதிதாக இணைந்துள்ளனர் என்பதைக் காட்டியது. தேர்தல் பிரச்சாரங்களிலும், தற்போது மோசடிக்கு எதிராக நடைபெறும் ஆர்ப்பாட்டங்களிலும் பெரும் எண்ணிக்கையில் இளைஞர்கள் பங்கேற்றுள்ளனர். ஏராளமான வாக்குச்சாவடிகளைக் கைப்பற்றியே ஆளுங்கட்சி வெற்றி பெற்றது என்று பல தரப்பினரும் கூறிவருகிறார்கள். அதை மீறி கம்யூனிஸ்ட் கட்சிக்கு சுமார் 20 விழுக்காடு வாக்குகள் கிடைத்துள்ளன. கடந்த தேர்தலில் பெற்ற 12 விழுக்காடுகள், தற்போது அதிகரித்ததற்கு ஏராளமான இளைஞர்கள் ஆதரவாக வாக்களித்தது முக்கியமான காரணம் என்று கூறப்படுகிறது.

ஜப்பான்
இரண்டு பெரிய கட்சிகளுமே நாட்டை வளர்ச்சிப் பாதையில் அழைத்துச் செல்வதில் தோல்வியுற்றுள்ளன என்ற கருத்து ஜப்பான் நாட்டு இளைஞர்களிடம் உருவாகியுள்ளது. அண்மையில் நடைபெற்ற உள்ளாட்சித் தேர்தல்களில் கணிசமான முன்னேற்றத்தை ஜப்பான் கம்யூனிஸ்ட் கட்சி அடைந்துள்ளது. சில புதிய நகரங்களில் கட்சியின் வேட்பாளர்கள் மேயர்களாகத் தேர்வு செய்யப்பட்டுள்ளனர். பேரழிவால் பாதிக்கப்பட்ட பகுதிகளில் உள்ள மாகாணங்களில் தேர்தல்கள் தள்ளிப் போடப்பட்டிருந்தன. ஃபுகுசிமா போன்ற மாகாணங்களில் முன்பைவிட அதிகமான அளவில் கம்யூனிஸ்ட் கட்சியினர் தேர்வாகியுள்ளனர். உள்ளாட்சித் தேர்தல்களிலும் சரி, மாகாணங்களுக்கான தேர்தல்களிலும் சரி கட்சி சார்பில் நடைபெற்ற தேர்தல் பிரச்சாரங்களில் இளைஞர்களின் பங்கேற்பு அதிகமாக இருந்தது.

ஐரோப்பா
ஐரோப்பிய யூனியனில் உள்ள 27 நாடுகளுமே நெருக்கடியில் சிக்கியுள்ளன அல்லது நெருக்கடியை நோக்கித் தள்ளப்பட்டுள்ளன. இதில் ஜெர்மனி மற்றும் பிரான்சும் கூட தப்பவில்லை. இந்த நாடுகளில் அரசுகளின் பொறுப்பற்ற கொள்கைகளை எதிர்த்த போராட்டத்தில் லட்சக்கணக்கான இளைஞர்கள் பங்கேற்று வருகிறார்கள். இடதுசாரிக் கொள்கைகளை நடைமுறைப்படுத்த வேண்டும் என்பது அவர்களின் முழக்கமாக உள்ளது. வருங்காலம் சோசலிசத்திற்கே என்ற முழக்கம் ஐரோப்பிய யூனியனில் பத்துக்கும் மேற்பட்ட நாடுகளில் உரக்க ஒலிக்கிறது. தென் அமெரிக்க நாடுகளில் ஏற்பட்டு வரும் மாற்றங்களோடு இணைத்துப் பார்த்தால் இளைஞர்களின் எண்ணங்களுக்கு வடிவம் கிடைக்கையில் முதலாளித்துவ சவப்பெட்டியில் கடைசி ஆணி அடிக்கப்படும் என்று அமெரிக்க இளம் கம்யூனிஸ்ட் லீக்கினர் தெரிவிக்கிறார்கள்.

மம்தா அவிழ்த்துவிட்ட புளுகு மூட்டை அம்பலம்

மாவோயிஸ்டுகள்-திரிணாமுல் கூட்டு வன்முறைக்கு இரையான மார்க்சிஸ்ட் கம்யூனிஸ்டு கட்சியின் ஊழியர்கள் மற்றும் ஆதரவாளர் களின் பட்டியலோடு பிரதமரை இடது முன்னணியைச் சேர்ந்த தலைவர்கள் சந்தித்தனர். போட்டிக்கு திரிணாமுல் காங்கிரசின் தலைவரும், மத்திய அமைச்சருமான மம்தா பானர்ஜியும் ஒரு பட்டியலைத் தயார் செய்து பிரதமரைச் சந்தித்தார். அதில் 83 நபர்களின் பெயர்கள் இடம் பெற்றிருந்தன. அவர்களின் உயிரிழப்பிற்கு மார்க்சிஸ்ட் கம்யூனிஸ்டு கட்சியே காரணம் என்று அவர் குறிப்பிட்டார். திரிணாமுல் காங்கிரஸ் வெளியிட்ட இந்தப் பட்டியல் குறித்த விசாரணைகள் பல அதிர்ச்சி தரும் தகவல்களைத் தருகின்றன.

இது குறித்து செய்தியாளர்களைச் சந்தித்துப் பேசிய மார்க்சிஸ்ட் கட்சியின் அரசியல் தலைமைக்குழு உறுப்பினரான சீத்தாராம் யெச்சூரி, அந்தப் பட்டியலில் இடம் பெற்றுள்ளவர்களில் சிலருக்கும் திரிணாமுல் காங்கிரசுக்கும் எந்தத் தொடர்பும் இல்லை. சிலர் இடதுசாரிக்கட்சிகளின் ஊழியர்களாவர். மேலும் கொல்லப்பட்டுவிட்டதாகச் சொல்லப்படும் சிலர் உயிரோடு உலாவிக் கொண்டிருக்கிறார்கள் என்று குறிப்பிட்டார். இத்தகைய போலியான ஒரு பட்டியலை தயாரித்து அரசின் மீது மோசடியான குற்றச்சாட்டுகளைச் சுமத்தி, குடியரசுத்தலைவர் ஆட்சியை அமல்படுத்த வேண்டும் என்பதே மம்தா பானர்ஜியின் நோக்கமாக இருந்து வருகிறது.

பட்டியலில் உள்ளவர்கள் பற்றிய விசாரணையில் வந்த விஷயங்கள்

1) பட்டியலில் 52வதுஇடத்தில் இருப்பவர் பெயர் அசித் சர்க்கார். இவர் மாவோயிஸ்டு தீவிரவாதி என்பது அனைவருக்கும் தெரிந்ததாகும். 1988 ஆம் ஆண்டு முதல் மக்கள் யுத்தக்குழுவில் அவர் இருந்தார். ஜங்கிள் மஹால் என்ற பகுதியில் முக்கியமான தலைவராக இயங்கி வந்தார். 2003ல் கைது செய்யப்பட்டு 2009 ஆம் ஆண்டில் விடுதலை செய்யப்பட்டார். அவருடைய சகோதரியான ரீடா சர்க்காரும் மாவோயிஸ்டுதான். தான் திரிணாமுல் காங்கிரசைச் சேர்ந்தவர் என்று அசித் சர்க்கார்கூட தெரிவித்ததில்லை.

2) 48வது இடத்தில் இருக்கும் முகமது ஆலம் ராஜர்காட்டில் உள்ள சிகார்பூர் பகுதியைச் சேர்ந்தவர். கால்பந்து போட்டி ஒன்றை அவர் பார்த்துக் கொண்டிருந்தபோது ஏற்பட்ட மோதலில் அஜிஜுல் என்பவரால் ஆலம் சுட்டுக் கொல்லப்பட்டார். திரிணாமுல் காங்கிரசின் சட்டமன்ற உறுப்பினரும், அக்கட்சித் தலைவர் மம்தா பானர்ஜிக்கு மிகவும் நெருக்கமானவருமான அரபுல் இஸ்லாமின் சகோதரர்தான் இந்த அஜிஜுல். அஜிஜுல் தற்போது தலைமறைவாக இருக்கிறார்.

3) 73வது இடத்தில் இருக்கும் பெயர் சங்கர் பிஸ்வாஸ். இவர் மார்க்சிஸ்ட் கட்சியின் ஊழியர். அகதிகள் அமைப்பின் முன்னணித்தொண்டர். தெற்கு 24 பர்கானாவில் அக்டோபர்26, 2009 அன்று இவர் கொலை செய்யப்பட்டார். மார்க்சிஸ்ட் கட்சி சார்பில் அக்டோபர் 30, 2009 அன்று ஏராளமான மக்கள் பங்கேற்ற அஞ்சலிக்கூட்டம் நடந்தது. அதில் சுஜன் சக்கரவர்த்தி மற்றும் சிப்தாஸ் பட்டாச்சார்யா ஆகிய தலைவர்களும் கலந்து கொண்டனர்.

4) அவிஜித் சாஹா என்ற பெயரும் இந்தப் பட்டியலில் சேர்க்கப்பட்டுள்ளது. வடக்கு 24 பர்கானாவில் நடந்த சம்பவம் ஒன்றில் இரு திரிணாமுல் கட்சிக்காரர்களால் இவர் கொல்லப்பட்டார்.

5) 62 வது இடத்தில் பிர்பும் மாவட்டத்தைச் சேர்ந்த யாசின் அலி பைக் என்ற பெயரும் பட்டியலில் உள்ளது. இரண்டரை வயதுக்குழந்தையின் பெயர்தான் அது. நீண்ட நாட்களாக நோய் வாய்ப்பட்டு இந்தக் குழந்தை இறந்துவிட்டது.

6) ஆறாவது இடத்தில் இருக்கும் பெயர் ஜெய்தேப் பக். தெற்கு 24 பர்கானாவில் உள்ள பருய்பூர் என்ற பகுதியைச் சேர்ந்தவர். பருய்பூரில் அந்தப் பெயரைக் கொண்ட யாரும் கொல்லப்படவோ அல்லது உயிரிழக்கவோ இல்லை.

7) 22வது இடத்தில் இருக்கும் பெயர் நந்திகிராமத்தைச் சேர்ந்த மீரா நாசின். அந்தப் பெயரைக் கொண்ட யாரும் கொல்லப்படவில்லை. அப்படி யொருவர் இருப்பதை நந்திகிராமத்தைச் சேர்ந்த திரிணாமுல் காங்கிரஸ் தலைவர் அபு தஹேரே மறுத்துள்ளார்.

8) 71வது இடத்தில் இருக்கும் பெயர் வடக்கு 24 பர்கானாவைச் சேர்ந்த சியாமல் ஹசாரி. காவல்துறையின் ஆவணங்களின்படி, அந்தப் பெயரைக் கொண்ட யாரும் கொல்லப்படவோ அல்லது உயிரிழக்கவோ இல்லை. சொல்லப்போனால், அந்தப் பெயருடைய எந்த திரிணாமுல் காங்கிரஸ் தொண்டரும் இந்தப் பகுதியில் இயங்கவில்லை.மார்க்சிஸ்டு கட்சி சார்பில் பிரதமரிடம் அளிக்கப்பட்ட பட்டியலை திரிணாமுல் காங்கிரஸ் உள்ளிட்ட யாரும் இதுவரை மறுக்கவில்லை. இதனால்தான் பிரச்சனையைத் திசை திருப்பி விடுவதற்காக மோசடிப் பட்டியலை மம்தா பானர்ஜி தலைமையிலான திரிணாமுல் காங்கிரஸ் அளித்துள்து. நாட்டை எதிர்நோக்கியுள்ள மிகப்பெரிய பயமே மாவோயிஸ்டுகள் பயங்கரவாதம்தான் என்று கூறிய பிரதமர் மன்மோகன்சிங், மார்க்சிஸ்டு கட்சி சார்பில் அளித்த மனுவிற்கு இன்னும் பதிலளிக்காமல் இருக்கிறார்.

நேர்மையான எம்.பி.க்கள்

நாடாளுமன்றத்தின் பதவிக்காலம் நிறைவு பெறும் வேளையில் சில நேர்மையான உறுப்பினர்களை ‘தி சண்டே இந்தியன்’ பத்திரிகை(ஜன.25) பட்டியலிட்டுள்ளது. இடதுசாரிக்கட்சிகளின் உறுப்பினர்களான ஹன்னன் முல்லா, பொ.மோகன்(சிபிஎம்), குருதாஸ்தாஸ் குப்தா(சிபிஐ) ஆகியோர் உள்ளிட்ட சிலர் அந்தப் பட்டியலில் இடம் பெற்றுள்ளனர்.

பொ.மோகன் பற்றி கீழ்க்கண்டவாறு அப்பத்திரிகை எழுதியுள்ளது. 

“முன்பெல்லாம் நாடாளுமன்றத்திற்கு எனது அப்பா நடந்தே போவார். இப்போது அவரிடம் சைக்கிள் ஒன்று உள்ளது. டில்லியில் சைக்கிளை ஓட்டிக் கொண்டு செல்வது போல அவரது புகைப்படம் ஒன்றை மலையாள பத்திரிகை வெளியிட்டிருந்தது” என்று சிரித்துக் கொண்டே சொல்கிறார் நாடாளுமன்ற உறுப்பினர் மோகனின் இளைய மகள் பாரதி.

புகைப்படக் கலைஞர்களைப் பொறுத்தவரை, அது டில்லியாக இருந்தாலும் சரி, மதுரையாக இருந்தாலும் சரி சந்தோஷமாக கிளிக் செய்து கொள்வார்கள். ஒரு காலத்தில் கட்சியால் வழங்கப்பட்ட பஜாஜ் எம்80 வண்டியில்தான் இன்னும் அவர் சுற்றிக் கொண்டிருக்கிறார். 

ஒரு முறை, ரேசன் கடையில் பொருள் வாங்கிக் கொண்டு செல்லும் வழியில் வண்டி நின்று விட்டதால் இறங்கி அவரே சரி செய்ய முற்பட்டார். அந்த வழியாக சென்று கொண்டிருந்த நாளிதழின் புகைப்படக்கலைஞர் அதைப் படம் பிடித்தார். அடுத்த நாள், முதல் பக்க புகைப்படமானது. 

டில்லியில் இருக்கும்போது நாடாளுமன்றத்திற்கு நடந்து செல்வதைப் பார்க்கலாம். மூன்று முறை தேர்தலில் தோல்வியுற்று, 1999 ஆம் ஆண்டில் நாடாளுமன்ற உறுப்பினரான பொ.மோகன், மார்க்சிஸ்ட் கம்யூனிஸ்ட் கட்சியின் மாணவர் இயக்கத்தில் தனது பணியை 1973 ஆம் ஆண்டு துவக்கினார். கடந்த சில ஆண்டுகளில் மதுரையின் வளர்ச்சிக்கு அவர் எவ்வாறு செயல்பட்டார் என்பதை மதுரைக்காரர்கள் சொல்லி வருகிறார்கள்.

மதுரையில் ஐந்து சட்டமன்றத் தொகுதிகள் உள்ளன. தனது நாடாளுமன்றத் தொகுதி வளர்ச்சி நிதியை இந்தத் தொகுதிகளுக்கு சரிசமமாகப் பிரித்துக் கொடுக்கிறார். 

மதுரை ராஜாஜி மருத்துவமனைக்கு ஒவ்வொரு ஆண்டும் 25 லட்சம் ரூபாய் நிதியை ஒதுக்கித் தருகிறார். இந்தப் பணிகள் நடைபெறுவதையும் தொடர்ந்து கண்காணிக்கிறார். 

கிராமம் ஒன்றில் சமுதாயக்கூடம் கட்டப்பட்டு வந்தது. அப்பணியை மேற்கொண்டிருந்த ஒப்பந்ததாரர் சிமெண்டுடன் அதிக மணலைக் கலந்து வந்தார். உங்கள் பணம் எவ்வளவு வீணாகிறது பாருங்கள் என்று மக்களிடம் மோகன் கூறினார். மக்களே அந்த ஒப்பந்ததாரர்களை தூக்கி எறிந்தார்கள். 

மழை பெய்து கொண்டிருந்த நாள் ஒன்றில் ஜோதி கணேஷ் என்ற வங்கி ஊழியருக்கு அதிர்ச்சி 

காத்திருந்தது. சாலை முழுவதும் 

தண்ணீர் தேங்கியிருந்தது. ஆனால் ஒரு நபர் மட்டும் வேட்டியை மடித்துக் கொண்டு அதை சரி செய்யும்

பணியில் இருந்தார். அவர் வேறு யாருமல்ல, நாடாளுமன்ற உறுப்பினரான தோழர் மோகன்தான்.

யாரிடமிருந்தும் அவர் பணத்தை வாங்கியதில்லை என்பதற்கு நான் சாட்சியாகும். அவருக்கு எதிரான கட்சியைச் சார்ந்தவராக இருந்தாலும், இதைச் சொல்வதில் நான் பெருமைப்படுகிறேன் என்று காங்கிரஸ் கட்சியின் முன்னாள் சட்டமன்ற உறுப்பினர் தெய்வநாயகம் குறிப்பிடுகிறார்.

மம்தா அரங்கேற்றி வரும் நாடகம்

-கி.இலக்குவன்

சிங்கூர் கார் தொழிற்சாலைக்காக கையகப்படுத்தப்பட்ட நிலங்களைத் திருப்பித்தர வேண்டும் என்ற பெயரில் திரிணாமுல் காங்கிரஸ் கட்சித்தலைவர் மம்தா பானர்ஜி மேற்கு வங்க அரசுக்கு எதிராக கடந்த 7 நாட்களாக போராட்டம் நடத்தி வருகிறார்.இதற்காக ஆயிரக்க ணக்கான தனது ஆதரவாளர்களைத் திரட்டி தொழிற்சாலை நுழைவாயிலில் மறியல் போன்றவற்றை நடத்தி வரு கிறார்.தேசிய நெடுஞ்சாலையிலும் மறியலை நடத்தி போக்குவரத்தை நிலை குலையச்செய்துள்ளார். காவல்துறை தலையிடுவதற்கான நிர்ப்பந்தத்தை ஏற்படுத்தி வன்முறையைக்கட்டவிழ்த்து விட்டு ரத்தக்களறியை ஏற்படுத்தி துப் பாக்கிச்சூடு போன்றவைகளுக்கு வழி வகுப்பதன் மூலம் மேற்கு வங்க அரசுக்கு கெட்ட பெயரை ஏற்படுத்த முயற்சித்து வருகிறார்.

வெளியிலிருந்து திரட்டப்பட்ட பல்லாயிரம் பேருக்கு சாப்பாடு போடு வதற்காக ஒரு பெரிய சமையல் கூடமும் இயங்கி வருகிறது.கார் தொழிற்சாலைக்கு எதிரில் அமைந்துள்ள திடலில் 50 மீட்டர் தொiவில் இந்த தற்காலிக சமையல் கூடம் அமைக்கப்பட்டுள்ளது.சமையல் வேலையிலும் அவர்களுக்கு உதவி செய்யவும் சுமார் 50 பேர் பணியமர்த் தப்பட்டு உள்ளனர்.கடந்த ஞாயிற்றுக் கிழமையிலிருந்து வியாழன் வரையி லான 5 நாட்களில் காலை, மாலை இரு வேளைகளிலும் சுமார் 90000 பேர் உணவு அருந்தியுள்ளனர். தினமும் இரண்டரை லட்சம் ரூபாய் வீதம் இதுவரை பத்து லட் சம் ரூபாய்க்கு மேல் செலவிடப்பட் டுள்ளது. விடியற் காலை நான்கு மணிக் குத் துவங்கும் சமையல் வேலை அந்திசாயும் நேரம் வரை நீடிக்கிறது.

போராட்டக்காரர்களின் முகாம் ஒரு பெரிய திருவிழா நடைபெறும் இடம் போலக்காட்சி அளிக்கிறது. ரிக்ஷா ஓட்டி கள் பெரும் எண்ணிக்கையில் இயங்கி வருகின்றனர் பஸ் வேன்,கார் போன்றவை வருவதும் போவதுமாகக்காட்சி அளிக் கின்றன.ஐஸ்கிரீம் விற்பனையாளர்களுக் கும் நல்ல வியாபாரம் நடைபெற்று வருகிறது.

கையகப்படுத்தப்படாத நிலத்துக்காக நந்தி கிராமில் வன்முறையைத்தூண் டிவிட்டு 10க்கு மேற்பட்டவர்களின் மர ணத்துக்குக் காரணமாக இருந்தனர். இடது முன்னணிக்கு எதிராக நாடு தழுவிய அவதூறுப்பிரச்சாரத்தில் அப்போது ஈடுபட்டவர்கள் சிங்கூர் பிரச்சனை யைப் பெரிதாக ஊதிவிட்டு அரசியல் ஆதாயம் பெற முயற்சிக்கிறார்கள். பிரச்ச னையைப் பேசித்தீர்க்கலாம் என்று மேற்கு வங்க முதல்வர் தெரிவித்து வரும் ஆலோசனைகளை ஏற்றுக்கொள்ள மறுத்து வருகின்றனர். நந்தகிராமம் பிரச்ச னையில் மேற்கு வங்க அரசு நிதானப் போக்கைக் கடைப்பிடிக்க தவறிவிட்ட தாக விமர்சனம் செய்த கவர்னர் கோபால கிருஷ்ண காந்தியும் பிற மனித உரிமைக் காவலர்களும் இப்போது எங்கே சென் றார்கள் என்று தெரியவில்லை.

சட்டத்தைத் தன் கையில் எடுத்துக் கொண்டு சிங்கூர் கார் தொழிற்சாலை ஊழியர்கள் மற்றும் அதிகாரிகளுக்கு எதிராக வன்முறையில் ஈடுபட்டு வரும் மம்தா கும்பலின் நடவடிக்கைகளை ப்பற்றி எதுவும் கூறாமல் அவர்கள் மவுனவிரதத்தைக் கடைப்பிடிப்பது ஏன் என்பது நடுநிலையாளர்கள் எழுப்ப வேண்டிய கேள்வி.

ஆதாரம் : ‘டைம்ஸ் ஆப் இந்தியா’

எளிமை அவரது இயல்பு! இனிமை அவரது பண்பு!!

-கே.வரதராசன்

1974ல் தமிழ்நாடு விவசாயிகள் சங்கத்தின் திருச்சி மாவட்டச் செயலாள ராக தேர்வு செய்யப்பட்ட நிலையில் விவசாயிகள் சங்கத்தின் அகில இந்திய கவுன்சில் உறுப்பினராகவும் தேர்வு செய்யப்பட்டேன். ஜலந்தரில் நடைபெற்ற கவுன்சில் கூட்டத்தில்தான் தோழர் ஹர்கிஷன் சிங் சுர்ஜித் அவர்களை நேரடியாக பார்த்தேன்.

எந்தவொரு பிரச்சனையாக இருந்தா லும் அதை பொறுமையாக, நுட்பமாக அணுகுவது அவருடைய சிறப்புப்பண்பு என்பதை அப்போது அறிந்தேன். தமிழ கத்தில் நாராயணசாமி நாயுடு தலைமை யில் இலவச மின்சாரம் கேட்டு விவசா யிகள் போராடிக் கொண்டிருந்தார்கள். கவுன்சில் கூட்டத்தில் இதுகுறித்து நான் பேசியபோது, பல்வேறு மாநிலங்களை சேர்ந்த தோழர்கள் எதிர்ப்பு தெரி வித்தார்கள். இலவச மின்சாரம் கேட்பது பணக்கார விவசாயிகளுக்குத்தான் சாதகமாக இருக்கும். நம்முடைய சங்கம் ஏழை, எளிய விவசாயிகளை சார்ந்துதான் இருக்க வேண்டும் என்று கூறினர்.

அப்போது தலையிட்டு பேசிய தோழர் சுர்ஜித், நம்முடைய சங்கம் ஏழை, எளிய விவசாயிகளைச் சார்ந்துதான் நிற்க வேண்டும். அந்த அடித்தளத்தில்தான் கிராமப்புற இயக்கம் கட்டப்பட வேண்டும் என்பதில் மாறுபட்ட கருத்து இல்லை. ஆனால் தமிழகத்தில் தற்போது நடந்து வரும் விவசாயிகள் போராட்டத்திற்கு தலைமை ஏற்பது யாராக இருந்தாலும் ஆயிரக்கணக்கான விவசாயிகள் களத்தில் இறங்கி இருக்கிறார்கள் என்ற எதார்த்தத்தை நாம் கவனத்தில் கொள்ள வேண்டும். அதில் ஏழை எளிய விவசாயி களும் அடக்கம். இதை கருத்தில் கொள் ளாமல் கே.வரதராசன் முன்வைத்த கருத்தை விமர்சிப்பது சரியல்ல.

மாறாக இப்போது எழுந்திருக்கக் கூடிய விவசாயிகளின் நியாயமான கோரிக்கை அடிப்படையிலான போராட் டத்திற்கு வடிவம் கொடுத்து இணைந்து போராடி அதன் மூலம் வழிகாட்ட வேண்டும் என்று குறிப்பிட்டார்.

மேலும் அவர் கூறுகையில், அனைத்து மாநிலங்களுக்கும் ஒரே மாதிரியான அணுகுமுறையை பின்பற்ற முடியாது. இந்தியாவில் விவசாய வளர்ச் சியில் ஏற்ற இறக்கம் உண்டு. மேற்கு வங்கம், கேரளம், திரிபுரா போன்ற இடது சாரிகள் அரசு அமைந்துள்ள மாநிலங் களில் நிலச்சீர்திருத்தத்தின் மூலம் நிலக் குவியல் உடைக்கப்பட்டு நிலப்பிரபுத் துவம் ஒடுக்கப்பட்டுள்ளது.

பஞ்சாப், ஹரியானா போன்ற மாநிலங் களில் விவசாய உற்பத்தியில் நவீன தொழில்நுட்ப முதலாளித்துவ முறை பெருமளவு வளர்ந்துள்ளது.

பீகார், உ.பி. போன்ற மாநிலங்களில் நிலப்பிரபுத்துவ முறை அப்படியே தொடர் கிறது. இந்த வேறுபாடுகளை அழகாக எடுத்துக்காட்டிய சுர்ஜித் அவர்கள், அந்தந்த மாநிலங்களின் தன்மைக்கேற் பவே கோஷங்களை உருவாக்க வேண் டும், ஸ்தலப்போராட்டங்களை நடத்த வேண்டும் என்றார். சற்று வேடிக்கை யான தொனியில் “வங்காள மருந்து தமிழ் நாட்டுக்கு ஒத்துவராது” என்றும் கூறி னார். “வேற்றுமையில் ஒற்றுமை” என்பது மொழி மற்றும் தேசிய இனங்களின் அடிப்படையில் மட்டுமின்றி விவசாய உற்பத்தி முறையிலும் உள்ளது என்று விளக்கினார்.

1984ம் ஆண்டு தோழர் சுர்ஜித் மற்றும் அவரது துணைவியார் சோவியத் சுற்றுப்பயணம் மேற்கொண்டனர். நானும் அவர்களோடு சென்றிருந்தேன். ஒருமாத காலம் நீடித்த இந்த சுற்றுப்பயணத்தின் போது திருச்சி மாவட்டத்தில் உள்ள கிராமங்களின் தன்மை, நீர்ப்பாசனம், பயிர் சாகுபடி உள்ளிட்ட பல்வேறு கேள்வி களை எழுப்பினார். தமிழ்நாட்டில் ஒருமா வட்டத்தை பற்றி அறிந்து கொள்ள அவர் காட்டிய ஆர்வம் மிகவும் அரிதான ஒரு குணாதிசயமாகும். மிகப்பெரிய தலைவ ரான அவர் விவசாய சங்க ஊழியரான என்னிடம் கேட்ட கேள்விகளுக்கு விடை காணும் வகையில் நானும் பல்வேறு விஷயங்களை தேடித்தெரிந்து கொள்ள வேண்டிய கட்டாயத்தை அவர் உருவாக் கினார். உண்மையில் சொல்லப்போனால் அந்த ஒருமாத கால சுற்றுப்பயணம் ஒரு ஊழியர் பயிற்சி முகாமாகவே எனக்கு அமைந்தது.

அவரது இன்னொரு சிறப்பு எளிமை, சிக்கனம். தனிப்பட்ட முறையில் அவர் சிக்கனமாக இருந்தார் என்பது மட்டு மல்ல இயக்கமும் கூட அவ்வாறே இருக்க வேண்டும் என்று விடாது வலி யுறுத்துவார். விவசாயிகள் சங்க மாநிலக் குழுக்களுக்கு அலுவலகம் கட்ட வேண் டும் என்று கோரிக்கை வந்தால் அவர் எழுப்பும் முதல் கேள்வி, விவசாயிகள் சங்கத்திற்கு எத்தனை ஊழியர்கள் உள் ளனர்? அவர்களது மாத ஊதியம் என்ன? அது முறையாக வழங்கப்படு கிறதா? என்பதோடு கட்டிடம் கட்ட யாரிடம் நிதி வசூல் செய்வீர்கள் என்றும் கேட்பார்.

விவசாயிகள் சங்கம் பலமாக உள்ள மாநிலங்களிலிருந்து வசூல் செய்து பலவீனமான மாநிலங்களுக்கு ஊழியர் அலவன்சுக்கு வழங்குவது என்ற நடை முறையை துவக்கி வைத்தவரும் தோழர் சுர்ஜித்துதான். அந்த அடிப்படையில் அகில இந்திய விவசாயிகள் சங்க மையத்திலிருந்து இப்போதும் பல்வேறு மாநிலங்களுக்கு ரூ.55 ஆயிரம் ஊழியர் அலவன்சாக வழங்கப்படுகிறது.

1984ம் ஆண்டுக்குப்பிறகு பலமுறை என்னை சந்திக்கும் போதெல்லாம் டில்லிக்கு வந்துவிட வேண்டும் என்று கூறிக்கொண்டே இருப்பார். 1997ல் சந் திக்கும் போது இனியும் உனக்கு அவகா சம் கொடுக்க முடியாது. உடனடியாக டில்லி வந்துவிட வேண்டும் என்று கூறினார்.

விவசாயிகள் சங்கத்தின் அகில இந்திய பணிக்காக டில்லி சென்றபிறகு சங்கத்திற்கு என்று சொந்தமாக கட்டிடம் கட்ட வேண்டும், கார் வாங்கவேண்டும் என்று கூறியபோது, விவசாயிகள் சங்கத் திற்கு அதிகமான ஊழியர்களை நியமிப் பதும் அவர்களது குடும்பத்தை பாதுகாப் பதும்தான் மிக முக்கியம். கட்டிடம், கார் எல்லாம் பிறகு பார்த்துக் கொள்ளலாம் என்று கூறிவிட்டார்.

தனிப்பட்ட தோழர்கள் தவறு செய்யும் போது அவர்கள் செய்த தவறை சுட்டிக் காட்டி, உணர வைத்து அவர்களை பாது காப்பது என்பதுதான் அவரது அணுகு முறை. இந்த அணுகுமுறை ஏராளமான தோழர்களை காப்பாற்றியுள்ளது.

தவறு செய்த தோழர்களை திருத்த அவர் எடுத்துக்கொள்ளும் நேரமும் காட்டும் பொறுமையும் யாராலும் எதிர் பார்க்க முடியாத ஒன்று. அந்த அளவுக்கு ஊழியர்களை பாதுகாப்பதில் அவர் அக்கறை காட்டுவார்.

1936ம் ஆண்டில் விவசாயிகள் சங்கத்தை துவக்கிய தலைவர்களில் அவரும் ஒருவர். அன்று துவங்கி விவசா யிகள் இயக்கத்தை வளர்ப்பதில் அவர் ஆற்றிய பணி அளப்பரியது.

மார்க்சிஸ்ட் கம்யூனிஸ்ட் கட்சியை உருவாக்கிய நவரத்தினங்களில் அவரும் ஒருவர். கட்சியை உருவாக்கிய தலை வர்கள் மார்க்சிய, லெனினிய தத்துவத் தில் அறிவுக்கனல்களாக திகழ்ந்தவர் கள். இதில் சுர்ஜித்தின் தனிச்சிறப்பு என்னவென்றால் மார்க்சிய தத்துவத்தை கள அனுபவத்தோடு பொருத்துவதில் தனித்திறமை கொண்டவர். அவரது உழைப்பும், பொறுமையும்தான் அவரை கட்சியின் உயர்ந்த பொறுப்புகளுக்கு கொண்டு சென்றது.

1977க்குப் பிறகு மத்திய அரசியலில் ஏற்பட்ட பல்வேறு அரசியல் மாற்றங் களில் அவர் மையப்புள்ளியாக இருந்தார். காங்கிரசுக்கு மாற்றாகவும் மதவெறி சக்திகளுக்கு மாற்றாகவும் பல்வேறு கட்சிகளை ஈர்த்து அவரால் அணிவகுப்பு களை உருவாக்க முடிந்தது. அதனால் தான் அவரை பத்திரிகைகள் “கிங் மேக் கர்” என்று அழைத்தன. ஆனால் எந்த சூழ்நிலையிலும் அவர் தம்மை ஒரு எளிய விவசாயி என்று அழைத்துக்கொள்ளவே பிரியப்பட்டார்.

-பேராசிரியர் கே. ராஜு

நம் நாட்டு அணுஉலைகளுக்கு யுரேனியம் கிடைப்பதில் பற்றாக்குறை இருக்கிறது. இந்தக் காரணத்தைச் சொல்லியே பிரதமர் மன்மோகன்சிங், முன்னாள் குடியரசுத் தலைவர் அப்துல் கலாம் போன்றோர் உடனடியாக அமெரிக்காவுடன் அணுசக்தி ஒப்பந்தத்திற்குச் செல்வதுதான் யுரேனியம் கிடைப்பதற்கு ஒரே வழி என்று வலியுறுத்தி வருகின்றனர். ஆனால் மற்றொரு புறம் நமது அணுசக்தித் துறை உலைகளுக்குத் தேவையான யுரேனியத்தைப் பெறுவதற்கு எல்லாவிதங்களிலும் முயற்சி எடுத்து வருகிறது. அதற்குப் பலனும் கிடைக்கத் தொடங்கியுள்ளது.

அணுசக்தித் துறையின் கீழ் உள்ள அரசு கனநீர் குழுமம் (ழநயஎல றுயவநச க்ஷடியசன) பாஸ்ஃபோரிக் அமிலத்திலிருந்து யுரேனியத்தைப் பிரித்து எடுப்பதற்கான ஒரு தொழில்நுட்ப ஆலையை நிறுவ உள்ளது. டிராம்பேயில் உள்ள ராஷ்ட்ரீய கெமிக்கல்ஸ் மற்றும் உரங்கள் நிறுவனத்தில் பாஸ்பேட் பாறையிலிருந்து (சடிஉம யீாடிளயீாயவந) பாஸ்ஃபோரிக் அமிலம் தயாரிக்கப்படுகிறது.

கடல்நீரிலிருந்தும் அணுக்கழிவிலிருந்தும் மரபணு உயிரியல் முறைகளைப் பயன்படுத்தி யுரேனியத்தைத் திரும்பப் பெறும் முயற்சியிலும் கணிசமான முன்னேற்றம் அடைந்திருப்பதாக பாபா அணுசக்தி ஆராய்ச்சி மையம் தெரிவித்துள்ளது.

அணுசக்தித் துறையின் கீழ் உள்ள மற்றொரு அரசு நிறுவனமான இந்திய ரேர் எர்த் நிறுவனமும் (ஐனேயைn சயசந நுயசவா டுவன) பாஸ்ஃபோரிக் அமிலத்திலிருந்து யுரேனியத்தைப் பிரித்தெடுக்கும் ஆலைகளை நிறுவ இருக்கிறது. அது மட்டுமின்றி, தோரியம் ஹைட்ராக்ஸைடிலிருந்தும் உலோகத் தயாரிப்புக் கழிவுகளிலிருந்தும் யுரேனியம் பெறுவதற்கும் முயற்சிகள் எடுக்கப்பட்டு வருகின்றன.

போதுமான அளவு யுரேனியத்தை உற்பத்தி செய்தே தீருவது என்ற சவாலை கனநீர் குழுமம் ஏற்றுக் கொண்டுள்ளதால், கூடிய விரைவில் அணுஉலைகளுக்குத் தேவையான யுரேனியத்தைப் பெறமுடியும் என்ற சாதகமான நிலை தோன்றியுள்ளது. கூடுதல் அழுத்த கனநீர் உலைகளிலிருந்து (ஞசநளளரசளைநன ழநயஎல றுயவநச சுநயஉவடிசள) தற்போதைய இலக்கான 10,000 மெகாவாட் மின்சாரம் மட்டுமல்ல அதற்கும் அதிகமாகவே உள்நாட்டு வளங்களிலிருந்து உற்பத்தி செய்துவிட முடியும்.

கடல் நீரில் யுரேனியம் இருப்பது முன்பே தெரிந்த விஷயம்தான். ஆனால் கடல் நீரில் மிகக் குறைந்த விகிதத்தில் மட்டுமே இருக்கும் யுரேனியத்தைப் பிரித்தெடுக்கச் செலவு அதிகம் பிடிக்கும் என்பதால் இதுவரை அதில் முன்னேற்றம் இல்லாமலிருந்தது. தற்போது இதற்கு ஒரு தீர்வு கண்டுபிடிக்கப்பட்டுள்ளது. ஒரு பிரத்தியேகமான முறையில் தயாரிக்கப்படும் பாலிமர் வழியாகக் கடல் நீரை அனுப்பினால் யுரேனியத்தை மட்டும் உள்வாங்கிவிட முடியும் என பாபா ஆராய்ச்சி மையம் கண்டுபிடித்துள்ளது. கடல் நீரில் 4.6 பில்லியன் டன்கள் யுரேனியம் இருப்பதாக மதிப்பிடப்பட்டிருக்கிறது. இந்த யுரேனியத்தை அதிக செலவின்றிப் பெற்றுவிட முடியும்.

அது சரி, ஒரு சந்தேகம். இதெல்லாம் சாதாரண மக்களான நமக்கே பத்திரிகைகள் மூலம் தெரியவந்துள்ளதே, மிக உயர் பதவியில் இருக்கும் மன்மோகன்சிங்கிற்கும் சூப்பர் விஞ்ஞானியாக நம் மக்களால் போற்றப்படும் அப்துல் கலாமிற்கும் தெரியாமலா இருக்கும்? பின் ஏன் யுரேனியத்தையும் அணுஉலைகளையும் அமெரிக்காவிலிருந்து இறக்குமதி செய்ய வேண்டுமென்று துடிக்கிறார்கள்?

நம் நாட்டு விஞ்ஞானிகள் உயிரைக் கொடுத்து உழைக்கத் தயாராக இருக்கிறார்கள். அவர்களது உற்சாகத்தையெல்லாம் புறக்கணித்துவிட்டு, அமெரிக்காவுக்கு அடிமைச் சாசனம் எழுதிக் கொடுத்தே தீருவேன் என்று வறட்டுப் பிடிவாதம் பிடிக்கும் மன்மோகன்சிங்கிற்குப் பாடம் சொல்லித்தரப் போவது யார்?

உரப்பற்றாக்குறை - காரணம் என்ன?

-ஜி.ஆனந்தன், தூத்துக்குடி

பெட்ரோலியப் பொருட்களின் விலையை உயர்த்திய மன்மோகன் சிங் அரசாங்கம், புதிய உர விலை கொள்கையையும் அறிவித்துள்ளது. ஒவ் வொரு காம்ப்ளக்ஸ் உரத்தையும் என்ன விலைக்கு விற்கலாம் என்பதை இந்த மாத இறுதிக்குள் வெளியிடுவதாக கூறியுள்ள நிதியமைச்சர் இந்த புதிய உரவிலைக் கொள்கை ஏப்ரல் 1 முதல் அமலாக் கப்படும் என்று தெரிவித்துள்ளார். சர்வதேச சந்தையில் பெட்ரோலியப் பொருட்கள் தாறுமாறாக உயர்ந்ததன் விளைவாக இரசாயன உரங்களின் இடுபொருட்களின் விலையும் கடுமை யாக உயர்ந்துள்ளன. உதாரணமாக டி.ஏ.பி உரம் தயா ரிக்க சல்பர் மற்றும் ராக் பாஸ்பேட் மிகவும் அவசிய மாகும். பிப்ரவரிக்கு பின் தற்போது மேலும் மேலும் பெட்ரோலியப் பொருட்கள் விலை விண்ணைத் தொட இந்த இடு பொருட்களின் விலையும் விண் ணைத் தொடுகின்றது. ஆகவே டி.ஏ.பி. உரத்தின் விலையும் உயர்ந்து கொண்டே போகிறது. இந்த இடத்தில்தான் 1991ல் கண்மூடித்தனமாக ஆரம்பிக் கப்பட்ட தாராளமயக் கொள்கைகள் விளையாட்டு பற்றியும், உரமானியக் கொள்கைகள் பற்றியும் விளக்க வேண்டியுள்ளது. உரமானியத்தின் வரலாறு 1977ல் முதல் பெட்ரோலியப் பொருட்கள் விலை உயர்வை ஒட்டி உர நிறுவனங்கள் உற்பத்தி தொடர ஆரம்பிக்கப்பட்டதுதான் உரமானியம். உரங்களை உற்பத்தி செலவுக்கே விற்பனை செய்ய முடியாதா கையால், உற்பத்தி செலவுக்கும் குறைவான விற் பனை விலைக்கும் உள்ள இடைவெளியே உரமா னியம் ஆகும். உரமானியத்திற்காக அரசு செலவிட்டதில் உள் நாட்டு உற்பத்திக்கு அதிகமாகவும் இறக்குமதிக்கு குறைவாகவும் இருந்தது. இது உண்மையின் ஒரு பகுதி மட்டுமே. ஏனெனில் அப்பொழுது சர்வதேச சந்தையில் யூரியாவின் விலை குறைவாக இருந்த தற்கு முக்கியமான காரணம் உலகின் இரண்டு பெரிய சந்தையான சீனாவும், இந்தியாவும் உரம் இறக்குமதியை மிகமிக குறைவாக செய்ததுதான். உள்நாட்டின் தேவை பெரும்பாலும் உள்நாட்டு உற்பத்தியின் மூலமாக பூர்த்தி செய்யப்பட்டதால், இறக்குமதிக்கான தேவை குறைவாகவே இருந்தது. உள்நாட்டு உற்பத்தி விலை, ஏன் பன்னாட்டு விற் பனை விலையை விட அதிகமாக இருந்தது என்றால், உள்நாட்டின் பல உர நிறுவனங்கள் யூரியா உற்பத் திக்கு இடுபொருளாக நாப்தா என்ற பெட்ரோலியப் பொருளை இறக்குமதி செய்தன. அவ்வாறு இறக்கு மதி செய்யப்பட்ட நாப்தாவில் அரசு கலால்வரி மற்றும் சுங்கவரி என பல்வேறு வரிகளை மிக அதிகமாக விதித்ததின் விளைவேயாகும். இந்த இறக்குமதி வரிகளை எடுத்துவிட்டு சர்வதேச சந்தை விலைக்கே உர நிறுவனங்கள் இறக்குமதி செய்யஅனுமதிக்க வேண்டுமென உர நிறுவனங்களின் கூட்டமைப்பு வேண்டுகோளை அன்றைய மத்திய அரசு நிரா கரித்தது. அதற்கு காரணம் இறக்குமதி வரிகளின் மூலம் கிடைத்த வருமானம் மானியமாக வழங்கி யதைவிட அதிகமாக இருந்ததேயாகும். சர்வதேச சந்தையில் யூரியாவின் விலை குறை வாக இருந்தவுடன், அன்றைய தேசிய ஜனநாயக கூட்டணிஅரசு உள்நாட்டு உற்பத்திக்கு பதிலாக இறக்குமதி செய்வதே மேல் என்ற முடிவுக்கு வந்தது. அதன் காரணமாக உள்நாட்டில் இயங்கிக் கொண்டி ருந்த பல உர நிறுவனங்களை முடக்கினர். இந்திய உணவுக் கழகத்தின் தால்ச்சர்,கோரக்பூர், சிந்திரி மற்றும் கோர்பா உரத் தொழிற்சாலைகளையும், இந் துஸ்தான் உர நிறுவனத்தின் பாருணி, துர்காபூர் மற்றும் ஹால்டியா தொழிற்சாலைகளையும் மூடிவிட 2002ம் ஆண்டு பாஜக அரசு முடிவெடுத்தது. இந்த தொழிற்சாலைகளின் மொத்த உற்பத்தி திறன் 50 லட்சம் டன் யூரியா என்றும், அரசின் இந்த முடிவு ஏற்றுக்கொள்ளத்தக்கதல்ல என்றும் அந்தக் கொள்கை முடிவுக்கு எதிராக “பெர்ட்டிலைசர் வொர்க்கர்ஸ் பெடரேசன் ஆப் இந்தியா” அறிவித் தது. அரசின் முடிவுகளுக்கு எதிராக உரத் தொழி லாளர்களை திரட்டி போராடி வந்தது. மேலும், யூரியாவிற்கு இடுபொருளான இறக்கு மதி செய்யப்பட்ட நாப்தாவிற்கு பதிலாக இயற்கை எரிவாயுவை பயன்படுத்தலாம். நமது நாட்டின் வட மாநிலங்களில் குஜராத்திலிருந்து வடக்கு உத்தரப்பிரதேசம் வரை சுமார் 2000 கிலோ மீட்டர் தூரத்திற்கு மும்பை கடல்பகுதியில் கிடைக்கும் இயற்கை எரிவாயு கொண்டு செல்லப்பட்டு பல உரநிறுவனங்களுக்கு கொடுக்கப்படுகிறது. இதன் காரணமாக ஒரு டன் யூரியாவின் உற்பத்தி செலவு பல மடங்கு குறையும். உதாரணமாக மார்ச் 2007ல் ஒரு டன் யூரியாவின் உற்பத்தி செலவு தேசிய உரத் தொழிற்சாலையின் விஜெய்ப்பூர் 1ல் ரூ.5,078ஆக இருந்தது. அந்த தேதியிலேயே ஸ்பிக் நிறுவனத்தில் ஒரு டன் யூரியாவின் உற்பத்தி செலவு ரூ.20,050 ஆக இருந்தது. இந்த இரண்டுக்கும் வித்தியாசத்திற் கான காரணம் இடுபொருளாகும். தேசிய உரத் தொழிற்சாலை இயற்கை எரிவாயுவையும், ஸ்பிக் நிறுவனம் நாப்தாவையும் இடுபொருளாக பயன்படுத் தியது. ஆகவே, இயற்கை எரிவாயுவை பயன்படுத்தி னால் நாட்டின் முதுகெலும்பான விவசாயிகளுக்கு குறைவான விலையில் உரம் தயாரித்து அளிக்கலாம் என்ற நிலை உள்ளது. ஆனால், அன்றைய அரசு இயற்கை எரிவாயுவை உரத் தொழிலுக்கு அளிப்ப தற்கு பதிலாக தனியார் மின் தயாரிப்பாளர்களுக்கு வழங்க முன்னுரிமை அளித்தது. ஏற்கெனவே நிலக்கரியில் மிகவும் மலிவாக மின் உற்பத்தி செய்து வரும்பொதுத்துறை நிறுவனங்களுக்கு பதிலாக மிக அதிக விலை கொடுத்து இந்த தனியார் மின் துறை யை மத்திய அரசு ஊக்குவித்தது. இராமநாதபுரத்தில் கிடைக்கும் இயற்கை எரிவாயு குழாய் மூலம் ஸ்பிக் நிறுவனத்திற்கு வழங்க வேண்டுமென இந்தக்கட்டு ரையாளர் தலைமைப் பொறுப்பில் இருந்தபோது ஸ்பிக் எம்ப்ளாயிஸ் யூனியன் சார்பில் சிந்திரியில் நடைபெற்ற பெர்ட்டிலைசர் வொர்க்கர்ஸ் பெடரேசன் ஆப் இந்தியாவின் தேசிய சிறப்பு மாநாட்டில் தீர் மானம் நிறைவேற்றப்பட்டது. பின்னர் அந்தத் தீர் மானம் அன்றைய பெட்ரோலியத் துறை அமைச்சரிடம் பெடரேசன் சார்பில் வழங்கப்பட்டது. இதற்கிடையில், இறக்குமதியை நம்பும் நிலைக்கு இந்தியா தள்ளப்பட்டது. இந்தியா உரம் இறக்குமதி செய்ய ஆரம்பித்தவுடன் சர்வதேச சந்தையில் உரத்தின் விலை கடுமையாக உயர்ந்தது. இறக்குமதி செய்வதற்கு முன் 2002-03ல் ஒரு டன் னின் விலை 110 டாலராக இருந்தது. இறக்குமதி ஆரம்பித்தவுடன் 2004ல் 200 டாலரைத் தொட்டது. பின்னர் ஏப்.2007ல் 335 டாலராகவும், பிப்.2008ல் 410 டாலராகவும் உள்ளது. நாப்தாவின் விலை 2006ல் டன் ஒன்றிற்கு 572 டாலராக இருந்தது. தற் போது 1150 டாலராக உயர்ந்துள்ளது. இதற்கிடையில் யூரியாவின் இறக்குமதியும் உயர்ந்துள்ளது. 2004-05ல் 6.41 லட்சம் டன் யூரியா இறக்குமதி செய்த அரசு 2007-08ல் 69.63 லட்சம் டன் இறக்குமதி செய்ய வேண்டிய நிலைக்கு வந்தது. இதற்கு முக் கியக் காரணம் ஸ்பிக் போன்ற நாட்டின் பல பகுதி களில் உள்ள நாப்தா இடுபொருளாக உள்ள உர நிறுவனங்கள் உர உற்பத்தியை நிறுத்தியதுதான். பெட்ரோலியப் பொருட்களில் முன்னேறிய நாடு களின் நிறுவனங்கள் கூட்டாக அடிக்கும் கொள்ளை மற்றும், இந்தியா தனது உரத்தேவைக்கு இறக்கு மதியையே நம்பி இருக்க வேண்டிய நிலை போன்ற வற்றால் சர்வதேச சந்தையில் யூரியாவின் விலை ஒவ்வொரு நாளும் கட்டுப்பாடின்றி உயர்ந்து கொண் டிருக்கிறது. இதற்கிடையே இடதுசாரிகள் மத்திய அரசை உரக்கொள்கையில் மாற்றம் கொண்டுவர வலி யுறுத்தினர். குறிப்பாக மூடப்பட்ட உர நிறுவனங் களை திறக்க வேண்டுமெனவும், இயற்கை எரிவாயு வை உர நிறுவனங்களுக்கு முன்னுரிமை அளித்து வழங்க வேண்டுமெனவும் வலியுறுத்தி வந்தன. இதன் காரணமாக தற்போதைய ஐக்கிய முற்போக்கு கூட்டணி அரசு மூடப்பட்ட இந்திய உணவுக் கழக தொழிற்சாலைகளையும், இந்துஸ்தான் உரத்தொழிற் சாலைகளையும், இயக்கத் தேவையான நடவடிக் கைகளை எடுக்க முடிவெடுத்துள்ளது ஒரு வரவேற் கத்தக்க அம்சமாகும். ஆனால் நடைமுறையில் இந்த கொள்கை அமலாகவில்லை. உதாரணமாக கிருஷ்ணா-கோதா வரி படுகையில் (ஆந்திர மாநிலம் கடப்பாவில்) கிடைத்த இயற்கை எரிவாயுவை குழாய் மூலம் சென்னைக்கும் அங்கிருந்து தூத்துக்குடி வரை கொண்டு வருவதாக தெரிவித்த ரிலையன்ஸ் நிறு வனம் பின்னர் தனது திட்டத்தை மாற்றி ஆந்திராவில் கிடைக்கும் இயற்கை எரிவாயுவை குஜராத்தில் தனது சுத்திகரிப்பு ஆலை உள்ள ஜாம்நகர் வரை கொண்டு செல்ல குழாய் அமைத்துள்ளது. இதனால் தமிழ்நாட்டிற்கு வரவேண்டிய இயற்கை எரிவாயு கிடைக்க முடியாத சூழல் உள்ளது. மேலும் கடலூரில் இயற்கை எரிவாயு கமிஷன் (ஓஎன்ஜிசி) கச்சா எண்ணெய்யை எடுத்துக்கொண்டு இயற்கை எரி வாயுவை எரித்துவீணடித்துக் கொண்டிருக்கிறது. ஒரு நாளுக்கு எரிந்து வீணாகும் இயற்கை எரிவாயு வின் அளவு ஸ்பிக் உர நிறுவனத்தின் ஒருநாள் இடு பொருள் தேவையாகும். மாநில அரசும் மத்திய அரசும் வீணாகும் எரிபொருளை குழாய் மூலம் கொண்டு வருவதால் உர உற்பத்தியில் ஒவ்வொரு ஆண்டும் மேலும் ஆறு லட்சம் டன் யூரியா அதிகரிக்கலாம். இராமநாதபுரத்தில், காவிரி படுகையில் கண்டுபிடிக் கப்பட்டுள்ள இயற்கை எரிவாயுவையும் குழாய் மூல மாக தூத்துக்குடிக்கு இணைக்கலாம். மேலும், இந்தப் பகுதியில் மிக அதிகமாக இயற்கை எரிவாயு கடல் பகுதியில் கண்டுபிடிக்கப்பட்டுள்ளதால், இந்த இயற்கை எரிவாயுவைப் பயன்படுத்தி இராமநாதபுரம் மற்றும் சிவகங்கை மாவட்டங்களில் பல புதிய உரத் தொழிற்சாலைகளை அமைத்தால், நாட்டின் உரத் தேவை பூர்த்தியாகும் என்பதைவிட நாம் சர்வதேச சந்தையில் உரத்தை ஏற்றுமதியே செய்யலாம். மேலும் மார்க்சிஸ்ட் கம்யூனிஸ்ட் கட்சியின் அரசியல் தலைமைக்குழு உறுப்பினர் கே.வரதராசன் தெரிவித்துள்ள மற்றொரு ஆலோசனையான நிலக்கரியை பயன்படுத்துவது என்பதும் நமது நாட்டைப் பொறுத்தவரை நடைமுறைப்படுத்தக் கூடிய ஆலோசனையாகும். இராமகுண்டம் உரத் தொழிற்சாலை ஏற்கெனவே இந்த முறையில்தான் வடிவமைக்கப்பட்டதாகும். அதில் தற்போது சில மாற்றங்களே போதுமானது என்று தொழில்நுட்ப வல்லுனர்கள் தெரிவிக்கின்றனர். நமது நாட்டில் நிலக்கரி வளம் மிக அதிகமாக உள்ளதால் சீனாவைப்போல் இந்தி யாவும் பெட்ரோலியப் பொருட்களை அண்டியிராமல் உர உற்பத்தியில் தன்னிறைவை அடையலாம். தேவை அரசின் கொள்கை உறுதிப்பாடே.

பெட்ரோல் விலையும் பித்தலாட்ட கணக்கும்

-பி.வெங்கடேஷ்

“சர்வதேச சந்தையில் கச்சா எண்ணெய் விலை அதிகரித்துள்ளதால், இந்தியாவிலும், பெட்ரோல், டீசல், சமையல் கேஸ் விலையை ஏற்ற வேண்டியுள்ளது” கீறல்விழுந்த ரிக்கார் டைப் போல் பிரதமரும், நிதியமைச்சரும், பெட் ரோலியத்துறை அமைச்சரும், காங்கிரஸ் கட்சி தலைவர்களும் ஏன் தமிழ் மற்றும் ஆங்கில ஒளி மற்றும் அச்சு ஊடகங்களும் கூட இடைவிடா மல் பிரச்சாரம் செய்து வருகின்றனர். விலை உயர்வை தவிர்க்க இடதுசாரிகள் கொடுத்த ஆக்கப்பூர்வமான ஆலோசனைகளை பரிசீ லிக்க மத்திய அரசு பிடிவாதமாக மறுத்துவிட் டது. ஜனநாயகத்திற்கு இடம் கொடுக்காத சந்தை அடிப்படைவாத உலகமய கொள்கையை மன்மோகன் சிங் அரசு அடிபிறழாமல் பின்பற் றுவதே இதற்கு அடிப்படைக் காரணம். விலை உயர்வை நியாயப்படுத்தி நாட்டு மக் களுக்கு பிரதமர் ஆற்றிய உரையில் ‘சர்வதேச மதிப்பில் கணக்கிட்டால் பெட்ரோல் ஒரு லிட்டர் ரூ.71க்கு விற்க வேண்டியிருக்கும். ஆனால் மக்கள் மேல் உள்ள அக்கறையின் காரணமாக ஐந்து ரூபாய் மட்டும் ஏற்றியிருக்கிறோம்’ என்று பேசியிருக்கிறார். இது சரியான பித்தலாட்டப் பேச்சாகும். ஒரு லிட்டர் பெட்ரோல் விலை ரூ.71 என்றால், ஒரு பீப்பாயின் விலை 256 டாலரா கிறது. ஆனால் கச்சா எண்ணெய் ஒரு பீப்பா யின் விலையே (இன்றைய விலையில்) 135 டாலர் தான். அப்படியானால் ஏறத்தாழ 121 டாலர் சுத்தி கரிப்பு செலவு என்றாகிறது. கச்சா எண்ணெய் யை சுத்திகரிக்க இத்தனை செலவு ஆகாது என் பதுதான் உண்மை. அப்படியெனில், பெட்ரோல் விலை நிர்ணயத்தில் செய்யப்படும் பித்தலாட் டம் என்ன என்று தெரிந்து கொள்ள வேண் டாமா? ஆடு நனைகிறதே... ஐயோ! ‘இறக்குமதி சமன்பாடு’ (iஅயீடிசவ யீயசவைல) என்பதுதான் இந்த பித்தலாட்டத்தின் பின்புலம். இதுஒரு புறமிருக்க ரிலையன்ஸ், எஸ்ஸார் போன்ற பகாசுர நிறுவனங்களின் அகோர லாபப்பசிக்கு மக்களை இரையாக்குவதும் நடக் கிறது. கடந்த பாஜக ஆட்சியில், அரசே பெட்ரோ லிய பொருட்களின் விலையை நிர்ணயம் செய்யும் நடைமுறை மாற்றப்பட்டு, சர்வதேச சந்தை மதிப்பில் இனி விலை நிர்ணயிக்கும் முறை கொண்டுவரப்பட்டது. அதற்கு அடுத்த கட்டமாக ஹிந்துஸ்தான் பெட்ரோலியம் மற்றும் பாரத் பெட்ரோலியம் ஆகிய பொதுத்துறை நிறுவனங்களை தனியார்மயமாக்க பாஜக அரசு முடிவெடுத்தது. இடதுசாரி கட்சிகளின் கடும் போராட்டத்தின் விளைவாகவும், நாடாளுமன்ற ஒப்புதல் தேவை என்ற உச்சநீதிமன்றம் வாஜ்பாய் அரசுக்கு ‘நச்’ சென்று குட்டு வைத்ததன் கார ணமாகவும் பொதுத்துறை எண்ணெய் நிறு வனங்களை தனியார்மயமாக்கும் முயற்சி தடுக் கப்பட்டது. அதன்பின்னர் அமைந்த ஐக்கிய முற்போக்கு கூட்டணி அரசு இடதுசாரிகளின் கடும் நிர்பந்தம் காரணமாக இந்த தனியார்மய முடிவினை அமலாக்க முடியவில்லை. ஆனால் அப்போது, தனியார்மயத்துக்கு ஆதரவாக அருண்ஷோரி & கம்பெனிக்கு முட்டுக்கொடுத்த ‘பெரிய மனிதர்கள்’ இப்போது பொதுத்துறை நிறுவனங்கள் அடைந்து வரும் நஷ்டத்திற்காக கண்ணீர் விடுகிறார்கள். ஆம், பொதுத்துறை ஆடு நனைகிறதே என்று தனியார் நரிகள் கவ லைப்படுகின்றன. அதனால்தான் பொதுத்துறை எண்ணெய் நிறுவனங்களின் ‘வருவாய் இழப் பை’ (ரனேநச சநஉடிஎநசநைள) ஈடுகட்ட பெட்ரோல், டீசல் விலைகளை உயர்த்த வேண்டுமென ‘சுதந்திர சந்தை’ ஆதரவாளர்கள் கூக்குரலிடுகிறார்கள். புளுகுமூட்டையிலிருந்து பூனை வெளியே வருது இந்த விலையேற்றம் ஏன் என்ற கேள்விக் கான விடை. இப்போது தெரிகிறது. பூனைக் குட்டி புளுகு மூட்டையிலிருந்து வெளியே வந்து விட்டது. கோதாவரி- கிருஷ்ணா ஆற்றுப்படு கையில் இயற்கை எரிவாயுவை எடுக்கும் உரி மத்தை ரிலையன்ஸ் வைத்துள்ளது. கடந்த செப் டம்பர் 2007ல் ஒரு யூனிட் எரிவாயுவிற்கு 4.20 டாலர் என்று அரசு விலை நிர்ணயம் செய்ய ரிலையன்ஸ் நிர்பந்தித்தது. அப்போது சர்வதேச சந்தையில் பீப்பாய் ஒன்றுக்கு 60 டாலர். “கச்சா எண்ணெய் விலை ஏறியதால்” எரிவாயுவின் விலையை ரிலையன்ஸ் உயர்த்தியுள்ளது. இங்கேயே உற்பத்தியாகும் எரிவாயுவிற்கு, சர்வதேச மதிப்பில் விலை நிர்ணயிப்பார்களாம்! இதுதான் ‘இறக்குமதி சமன்பாடு’ எனப்படு கிறது. இந்தியாவின் பெட்ரோலியத் தேவையில் 20 முதல் 30 சதம் நம் நாட்டின் இயற்கை வளங்களிலிருந்தே உற்பத்தி செய்யப்படுகிறது. இதில் பெரும்பகுதி ரிலையன்ஸ், எஸ்ஸார் நிறுவனங்களே ஈடுபட்டுள்ளன. இந்தியாவில் எடுக்கப்படும் எண்ணெய்க்கு இறக்குமதி விலை நிர்ணயித்து கொள்ளை லாபம் ஈட்ட ரிலையன்ஸ், எஸ்ஸார் போன்ற கம்பெனிகளுக்கு பேராசை இருக்கலாம், ஆனால் மத்திய அர சுக்கு மக்களைப் பற்றி கவலை வேண்டாமா? ரிலையன்ஸ் போன்ற நிறுவனங்கள் உள் நாட்டு தயாரிப்பை இறக்குமதி விலையில் விற் கையில் கிடைக்கும் கூடுதல் லாபத்தின் (றiனேகயடட யீசடிகவை) மீது வரி போடுங்கள் என்ற இடதுசாரி களின் கோரிக்கை நியாயமானதல்லவா? 9 சதவீதம் பொருளாதார வளர்ச்சி என்று வாய் கிழிய பேசுகிறீர்களே, அந்த வளர்ச்சியின் ஒரு பகுதியை மக்களின் சுமையை குறைக்க பயன்படுத்துங்கள் என்ற இடதுசாரிகளின் வலியுறுத்தல் நியாயமானதல்லவா? எடைக்கு வரி விதியுங்கள், அதன் விலைக்கு வரி விதிக் காதீர்கள்... அப்படிச் செய்தால் சர்வதேச விலை உயர்விலிருந்து மக்களை பாதுகாக்கலாம் என்ற இடதுசாரிகளின் ஆலோசனையை ஏற்பது அறிவுடைமையல்லவா? இதையெல் லாம் செய்யாமல் “சர்வதேச விலை உயர்வு” என்ற பித்தலாட்ட காரணத்தை மன்மோகன் சிங் அரசு மீண்டும் மீண்டும் சொல்லி மக்கள் தலையில் மிளகாய் அரைக்க நினைக்கிறது. அரைத்த மிளகாயின் காரம் அரசின் கண்களை நிச்சயம் கலங்கச் செய்யும்.

ஊடகங்களின் உள்ளடி வேலை

ஊடகங்களின் உள்ளடி வேலை
-ஜி.இராமகிருஷ்ணன்
“நந்திகிராமில் பிரச்சனைக்கு காரணமே ஆளும் மார்க்சிஸ்ட் கட்சி தலைமையின் பிடிவாதம்தான்”- தினமணி, 16.11.2007

“நந்திகிராமம், ஜாலியன் வாலாபாக் படு கொலையை ஞாபகப்படுத்தும் இன்னொரு இட மாக மாறியிருக்கிறது”- தினகரன், 18.11.2007

“நிலம் கையகப்படுத்துவதை எதிர்க்க முனை பவர்கள் கையாண்ட வழிமுறைகள் சற்றும் ஏற்க முடியாதவை; அவை அதிகாரத்தையே அர்த்தமற் றதாக்கி, சட்டம் - ஒழுங்கை தூசியாக மதித்து அவர்கள் செய்தவை குற்றங்கள். இப்போது மேற்கு வங்க அரசு அடியாட்களை ஏவி போலீஸ் துணை யுடன் புரிந்திருப்பதும் அராஜகமே! மீட்பு பணி என்ற பெயரில் மீளாத அவப்பெயரை பெற்றிருக்கிறது மார்க்சிஸ்ட் அரசு”- துக்ளக், 28.11.2007

“நந்திகிராம் கிராமங்களை மீண்டும் கைப்பற் றுவதற்கு எடுக்கப்பட்ட முயற்சிகள் முழுவதும் சட்டவிரோதமானது; ஏற்றுக் கொள்ள முடியாதது”- கோபால கிருஷ்ண காந்தி, மேற்குவங்க ஆளுநர், இந்து - 10.11.2007

இவை தவிர பல தொலைக்காட்சிகளும் நந்தி கிராமை பற்றி ‘மேற்குவங்க அரசு நந்திகிராமத் தில் நிலத்தை கையகப்படுத்துவதற்கு எடுத்த முயற்சியை எதிர்த்து விவசாயிகள் போராடுகிறார் கள்’ என்று திரித்து செய்திகளை வெளியிட்டு வருகின்றன.

உண்மை என்ன?

நந்திகிராமத்தில் வேதியியல் தொழில் வளாகம் துவங்குவதற்கு ஒருபகுதி மக்கள் மத்தியில் எதிர்ப்பு வந்த பிறகு கடந்த பிப்ரவரி மாதம் நந்தி கிராமத்தில் தொழில் வளாகம் துவங்குவதை கைவிடுவதென மாநில அரசு முடிவு செய்து அறி வித்து விட்டது. இதைத் தொடர்ந்து மார்க்சிஸ்ட் கம்யூனிஸ்ட் கட்சியின் அரசியல் தலைமைக்குழு வும் இதே கருத்தை முடிவாக அறிவித்தது. இருப் பினும், பூமி பாதுகாப்பு அமைப்பு என்ற பெயரில் மம்தா பானர்ஜி கட்சியைச் சேர்ந்தவர்களும், மாவோயிஸ்ட் பயங்கரவாத அமைப்பைச் சேர்ந்த வர்களும் மற்றும் சில அமைப்புகளும் நந்திகிராம் உள்ளிட்ட பல கிராமங்களை ஆக்கிரமிப்பு செய்து அக்கிராமங்களில் இருந்த மார்க்சிஸ்ட் கம்யூ னிஸ்ட் கட்சி குடும்பங்களைச் சேர்ந்த குழந்தை கள், முதியவர்கள் உள்ளிட்ட 3500க்கும் மேற்பட் டோரை அடித்து விரட்டி விட்டனர். இவர்கள் கடந்த பல மாதங்களாக நிவாரண முகாம்களில் அகதிகளாக தங்கி இருந்தனர். இதனால் கடந்த பிப்ரவரி மாதத்திலிருந்து நந்திகிராமம் பகுதியில் குழந்தைகள் பள்ளிக்குச் செல்ல இயலவில்லை, குழந்தைகளுக்கு போலியோ சொட்டு மருந்து கூட போட இயலவில்லை. விவசாயிகள், விவசாயத் தொழிலாளர்கள் தங்களுடைய வழக்கமான பணி யில் ஈடுபட முடியவில்லை. ஒட்டுமொத்தத்தில் அப்பகுதியை மேற்குவங்கத்திலிருந்து துண்டிக் கப்பட்ட ஒரு பகுதியாக மாற்றி ஆயுதம் தாங்கிய மாவோயிஸ்ட் கும்பல் தங்கள் கட்டுப்பாட்டில் வைத்திருந்தனர். இத்தகைய நிலைமையை மாற்று வதற்கு மாநில காவல்துறையினர் சென்றபோது தான் துரதிருஷ்டவசமாக 14 பேர் இறந்த வருந் தத்தக்க சம்பவம் நிகழ்ந்தது. இதற்கு பிறகு அரசு பல அமைதி முயற்சிகளை மேற்கொண்ட போதும், கிராமங்களை விட்டு வெளியேறியவர்கள் திரும்ப இயலாத நிலை நீடித்தது. இந்நிலையில்தான் விரட்டப்பட்ட 3500 பேரும் சில தினங்களுக்கு முன்புதான் கிராமங்களுக்கு திரும்பினர். இப் போது சகஜ வாழ்க்கை அங்கே நிலவி வருகிறது.

வெளியேறியவர்கள் மீண்டும் கிராமங்களுக்கு வந்திருப்பதை, ‘கிராமங்களை மீண்டும் கைப்பற்று வது சட்ட விரோதமானது’ என்று மாநில ஆளுநர் வர்ணித்திருக்கிறார். ‘மீண்டும் கைப்பற்றுவது’ சட்டவிரோதம் என்றால், உள்ளூர்வாசிகளை பல வந்தமாக வெளியேற்றிவிட்டு, மாவோயிஸ்ட்டு களும், மம்தா கட்சியைச் சேர்ந்தவர்களும் நந்தி கிராமை கைப்பற்றியதை சட்டபூர்வமானதென ஆளுநர் கூறுகிறாரா? ஆளுநர் தனது வரம்பை மீறி விட்டார் என டெலிகிராப், இந்து போன்ற நாளேடுகளே விமர்சித்திருக்கின்றன.

18.11.2007 தேதியிட்ட தினகரனில் வெளியான ஒரு கட்டுரையில், ‘நந்திகிராமத்தில் நிலவும் நிலைமையை ஜாலியன் வாலாபாக்குக்கு ஒப் பிட்டு எழுதப்பட்டிருக்கிறது’

இந்த ஆண்டு ஜனவரியில் துவங்கி, நந்தி கிராம் பகுதியில் இதுவரையில் மார்க்சிஸ்ட் கம்யூ னிஸ்ட் கட்சியைச் சேர்ந்த 30 தோழர்கள் படுகொலை செய்யப்பட்டிருக்கிறார்கள். கடந்த 9 மாதங்களாக 3500 பேர் தங்களது சொந்த கிராமங்களிலிருந்து வெளியேறி வேறிடங்களில் அகதிகளாக வசித்து வந்த நிலைமை இருந்தது. இதைப் பற்றியெல்லாம் கவலைப்படாத ‘தினகரன்’ நாளேடு வெளியேறியவர்கள் வீடு திரும்பியதைத் தான் ஜாலியன் வாலாபாக்குடன் ஒப்பிட்டு எழுது கிறது. நந்திகிராமத்தில் நிலம் எடுப்பது என்ற பேச்சுக்கே இடமில்லை என்று பிப்ரவரி மாதமே மேற்குவங்க அரசு அறிவித்த பிறகும், இன்னமும் நந்திகிராமத்தில் நிலமெடுப்பதற்கு மேற்குவங்க அரசு முயற்சிப்பதாகவும், அதை எதிர்த்து மக்கள் போராடுவதாகவும் உண்மைக்கு புறம்பாக எழுதுவது பத்திரிகை தர்மமாகுமா?

துக்ளக் கருத்து பற்றி விளக்கமளிக்கத் தேவையில்லை! கம்யூனிஸ்ட் எதிர்ப்பு கண்ணை மறைக்க அவதூறு பரப்புவதே அதன் வேலை.

ஒரு நாட்டில் ஜனநாயகத்தை காக்கக்கூடிய தூண்களில் ஒன்றாக ஊடகங்கள் உள்ளன. அரசு நிர்வாகம், நாடாளுமன்றம், நீதித்துறை ஆகிய மூன்று தூண்களும் ஜனநாயகத்தை காக்கத் தவ றுகிறபோது, நடுநிலையாக நின்று ஜனநாயகத் தின் நான்காவது தூணாக ஊடகங்கள் செயல்பட வேண்டும். ஆனால், ஊடகங்களில் ஒரு பகுதி திசை மாறி கம்யூனிஸ்ட்டுகள் மீது வெறுப்பை உமிழ்ந்து வருகின்றன.

இத்தகைய போக்கு வரலாற்றில் ஒன்றும் புதிதல்ல.

1971ல் துவங்கி 6 ஆண்டு காலம் காங்கிரஸ் தலைமையில் ஒரு அரை பாசிச ஆட்சி மேற்குவங் கத்தில் நடந்ததையும் 3000க்கும் மேற்பட்ட மார்க் சிஸ்ட் கம்யூனிஸ்ட் கட்சி தோழர்கள் படுகொலை செய்யப்பட்டதையும் ஊடகங்கள் இதுவரையில் உண்மையாக ஏற்கவில்லை. மேற்குவங்கத்தில் அரை பாசிச ஆட்சி துவங்கியபோது, இது மேற்கு வங்கத்தோடு நிற்காது. மற்ற மாநிலங்களுக்கும் பரவக்கூடிய ஆபத்து உள்ளது என மார்க்சிஸ்ட் கம்யூனிஸ்ட் கட்சியின் 9வது கட்சி காங்கிரஸ் தீர் மானம் கூறியது. இதைத்தான் அவசர நிலை பிரக டனம் என்ற கசப்பான அனுபவத்தை நாடு முழு வதும் மக்கள் சந்தித்தனர். மறைந்த ஜெயப்பிர காஷ் நாராயணன் கூட, முதலில் நம்ப மறுத்து மேற்குவங்கத்திற்கு அவர் சென்றபோது, அவரு டைய காரை தாக்குவதற்கு காங்கிரஸ் கட்சியினர் முயற்சித்தபோது அவர் புரிந்து கொண்டார்.

1968 டிசம்பர் 25ஆம் நாள் வெண்மணியில் மார்க்சிஸ்ட் கம்யூனிஸ்ட் கட்சியைச் சேர்ந்த குழந் தைகள், முதியோர்கள், பெண்கள் உள்ளிட்டு 44 தலித்துகள் நிலச் சுவான்தார்கள் தலைமையிலான குண்டர்களால் உயிரோடு எரிக்கப்பட்ட கோர மான நிகழ்ச்சியை டிசம்பர் 27 ஆம் நாள் தினமணி “கிசான்களுக்கிடையில் மோதல்- 42 பேர் பலி” என உண்மையை மறைத்து செய்தியாக வெளியிட்டது. வெண்மணி சம்பவத்தைத் தொடர்ந்து தினமணி தீட்டிய தலையங்கத்தில் பக்கிரிசாமி என்ற ஒரு வரை கம்யூனிஸ்ட்டுகள் திட்டமிட்டு செய்த கொலையின் எதிர்வினைதான் 44 பேர் பலி; எனவே, எண்ணிக்கையை வைத்து குழம்பி விடக் கூடாது என 44 பேர் உயிரோடு கொளுத்தப்பட்ட சம்பவத்தை நியாயப்படுத்தி ஏ.என். சிவராமன் தீட்டிய தலையங்கத்தை கம்யூனிஸ்ட்டுகளால் எப்படி மறக்க முடியும்.

இத்தகைய திட்டமிட்ட நிகழ்ச்சிகளை பரி சீலிக்கிறபோது, 30 ஆண்டுகளுக்கு மேலாக தொடர்ந்து வெற்றி பெற்று ஆட்சியில் இருக்கக் கூடிய மேற்குவங்க இடது முன்னணி அரசையும்; அமெரிக்க ஏகாதிபத்தியத்தை உறுதியாக சமர சமற்ற முறையில் எதிர்த்து போராடி வரும் மார்க் சிஸ்ட் கம்யூனிஸ்ட் கட்சி தலைமையிலான இடது சாரி இயக்கத்தையும் பிளவுபடுத்த, அழிக்க ஏகா திபத்தியம் பின்னாலிருக்கிறதோ என்ற ஐயம் இயல்பாகவே ஏற்படுகிறது.

இத்தகைய கருத்தை 22.11.2007 அன்று ‘இந்து’ பத்திரிகையில் வெளியான ஒரு செய்தி ஊர்ஜிதப்படுத்துகிறது.

மேற்குவங்க நண்பர்களுக்கு வேண்டுகோள் என்ற தலைப்பில், அமெரிக்காவைச் சேர்ந்த சாம்ஸ்கி உள்ளிட்ட தலைசிறந்த, மனித நேய மிக்க உலகளவிலான அறிவு ஜீவிகள் வெளியிட் டிருக்கக் கூடிய அறிக்கையில் கீழ்க்கண்டவாறு கூறியுள்ளனர்.

“உலக சக்திகளின் இன்றைய வலிமை நிலைகள் காரணமாக, இடதுசாரி சக்திகளைத் துண்டாடுவது ஒரு மூர்க்கத்தனமான பாதிப்பு களுக்கு இட்டுச் சென்றுவிடக்கூடும். ஒரு நாட்டின் (இராக்) அரசைத் தகர்த்த ஒரு உலக மகா ஆதிக்க சக்தி, இப்போது இன்னொரு நாட் டையும் (ஈரான்) தகர்ப்பதற்குத் தயாராகி வருவ தைப் பார்க்கிறோம். எனவே, வேறுபாட்டிற்கான அடிப்படைகள் இனியும் இல்லை என்ற நிலை யில், இது பிரிந்து நிற்பதற்கான தருணம் அல்ல.”

அமெரிக்க ஏகாதிபத்தியத்தின் நடவடிக்கை ஒன்றும் புதிதல்ல. 1967 ஆம் ஆண்டு நடைபெற்ற சட்டமன்றத் தேர்தல்களில் மேற்குவங்கத்திலும், கேரளாவிலும் கம்யூனிஸ்ட்டுகள் தலைமையி லான கூட்டணி வெற்றி பெற்று விடக்கூடாது என் பதற்காக சி.ஐ.ஏ. யாருக்கெல்லாம் நிதி கொடுத் தது என்பது வரலாறு.

இந்திய தேசம் விடுதலையடைந்து 60 ஆண் டுகள் ஆகியும் விவசாயிகள் தற்கொலை, வறுமை, வேலையின்மை போன்று பிரச்சனைகள் தொடர் கிறபோது, ஒரு இடதுசாரி மாற்று உருவாவதை தடுக்கவே கம்யூனிச விரோதிகள் முயற்சிக்கின் றனர். இடதுசாரிகளும், ஜனநாயகவாதிகளும், மதச்சார்பற்ற சக்திகளும் எச்சரிக்கையாக இருக்க வேண்டிய தருணம் இது.
----------------------------
மாற்றுக்கருத்து உள்ளவர்கள் எனக்கு எழுதவும்(ezhilans@rediffmail.com)

செகாவத்தின் இலட்சனம் !

ஒட்டுமொத்த நாடே அதிர்ச்சியுறக் கூடிய வகையில், ஐக்கிய முற்போக்குக் கூட் டணி வேட்பாளருக்கு எதிராக பாஜகவினர் கட்டவிழ்த்து விட்டுள்ள மிகவும் கீழ்த்தரமான முறையி லான பிரச்சாரம் மிகமிகத் தாழ்ந்த நிலைக்குச் சென்று கொண்டிருக்கிறது. நாட்டின் மிக உயர்ந்த ஸ்தானமான, குடியரசுத் தலைமைப்பதவிக்குப் போட்டியிடுபவரின் நற்பெயருக்கு களங்கம் ஏற் படுத்தும் விதத்தில் அவர் மீது சேறை அள்ளி வீசு வதன் மூலம் உண்மையில் தங்களையே மிகவும் தரம் தாழ்த்திக் கொள்கிறார்கள்.

நாட்டின் அரசமைப்புச் சட் டத்தின் மிக உயர்ந்த அலுவலகமான குடியரசுத் தலைமையகத்திற்கு எந்தஅளவிற்கு மிகக் குறைவாக பாஜக மதிப்பளிக்கிறது என்பதையே இது காட்டுகிறது.

இதில் மிகவும் மோசமான விஷயம் என்னவெனில், பாஜக தங்கள் வேட்பாளரைப் பாதுகாக்கும் வண்ணம் கூறும் விவரங்கள்தான்.

செகாவத், 1942 இல் காவல்துறையில் பயிற்சி உதவி ஆய்வாளராகப் பணியில் சேர்ந்தார் என்று பாஜக செய்தித் தொடர் பாளர், சுஷ்மா ஸ்வராஜ், நாட்டிற்குத் தெரிவித்தி ருக்கிறார். அதுமட்டுமல்ல, 1948இல் அவர் பதவி யிலிருந்து விடுவிக்கப்பட்டபோது அவருக்கு அளிக்கப்பட்ட பணிவிடுவிப்புக் குறிப்பையும் தாக்கல் செய்திருக்கிறார். அதில் செகாவத் காவல் உதவி ஆய்வாளராக இருந்த போது ஆற்றிய பங்களிப்பு குறித்து மிகவும் போற் றத்தக்க முறையில் குறிப்பிடப்பட்டிருக்கிறது. இவ் வாறு செய்திருப்பதன் மூலம், சுஷ்மா ஸ்வராஜ், செகாவத்தின் வேட்புமனுவுக்குத் தீங்கு செய்தி ருப்பதை உணர்ந்ததாகத் தெரியவில்லை. ‘வெள்ளையனே வெளியேறு இயக்கம்’ நாட்டில் 1942இல் தொடங்கப்பட்டது என் பதை நாட்டில் உள்ள அனைவரும் அறிவார்கள். அவ்வியக்கத்தின்போது, லட்சக்கணக்கான சுதந் திரப் போராட்ட வீரர்கள் காவல்துறையினரின் கடும் சித்ரவதைக்கு உள்ளானார்கள். இந்தக் காலகட்டத்தில் ஒருவர் காவல்துறையில் சேவகம் செய்தார் என்பதற்கும், சுதந்திரம் பெற்றபின் அவர் தன்னுடைய பணிக்காலத்தில் மிகவும் சிறப்பாகப் பணியாற்றினார் என்ற குறிப்புடன் பணியிலிருந்து வெளிவந்தார் என்பதற்கும் உண்மையில் பொருள் என்ன? செகாவத் காவல்துறையில் சேவகம் செய்ததன் மூலமாக, இந்திய சுதந்திரப் போராட்டத்திற்கு எதிராக செயல்பட்டார் என்று பொருள்படுவதை உள்ளபடியே சுஷ்மா ஸ்வராஜ் அறிந்திருக்கிறாரா இல்லையா என்று தெரியவில்லை.

இந்திய சுதந்திரப் போராட்ட காலத்தில் RSS இயக்கத்தின் பங்களிப்பு எவ்வாறாக இருந்ததென்பது அனைவரும் அறிந்த ரகசியமே.

1942 வெள்ளையனே வெளியேறு இயக் கத்தின்போது, பம்பாய் உள்துறை, கீழ்க்கண்டவாறு குறிப்பிட்டிருக்கிறது: “சங் பரிவாரம், சட்டத்திற்குட் பட்டு துளியும் பிறழாமல் செயல்படுகிறது. குறிப்பாக 1942 ஆகஸ்ட்டில் நடைபெற்ற கிளர்ச் சிகள் எதிலும் கலந்து கொள்ளாமல் ஒதுங்கி நிற் கிறது.”சுஷ்மா ஸ்வராஜ், செகாவத்தை இவ்வாறு தூக்கிநிறுத்துவதன் மூலம், விடுதலை போராட்டத் தின்போது RSS ஆற்றிய பங்களிப்பினை சரியென்று ஒப்புக் கொள்கிறார் என்றே தோன்றுகிறது.

எனவே, பாஜக, ஐக்கிய முற்போக்குக் கூட் டணி வேட்பாளருக்கு எதிராக சேறை வாரி இறைப்பதென்பது, உண்மையில் தற்போதைய துணைக் குடியரசுத் தலைவராகவுள்ள, தன் சொந்த வேட்பாளருக்காக, பண்பற்ற கருத்து மாறுபாடுகளை உருவாக்குவதற்கே உதவுகிறது.

இலஞ்சம் வாங்கி பிடிப்பட்டவர் செகாவத்

சென்னை ஐ.ஐ.டி.யில் தொடரும் வர்ணாசிரம அதர்மம்

மத்திய அரசு நிதியில் செயல்படும் கல்வி நிறுவனங்களில் வடக்கில் தலித்துகள் மற்றும் இதர பிற்பட்ட வகுப்பினருக்கு உரிய மரியாதை அளிக்கப்படுவதில்லை என்பது அநேகமாக அனை வரும் அறிந்த உண்மை. ஆனால், இட ஒதுக்கீட் டுக்கு முன்னுதாரணமாகத் திகழ்கின்ற தமிழகத் தில் உள்ள சென்னை ஐ.ஐ.டி.-யிலும் தலித்துகள் மற்றும் இதர பிற்பட்ட வகுப்பினர் மிகவும் இழிவாக நடத்தப்படுகின்றனர் என்பதை இவ்வார ‘டெகல்கா’ வார இதழ் தோலுரித்துக் காட்டியிருக்கிறது.

இக்கல்வி நிறுவனத்தில் பயிலும் மாணவர்களில் தலித்துகள் 11.9 சதவீதத்தினர் மட்டுமே யாவர். உயர்கல்வி பயில்வோரில் இந்த சதவீதம் இன்னும் குறைவாகும். உதாரணமாக எம்.எஸ். (ஆய்வு) மாணவர்களில் 2.3 சதவீதமும், பி.எச்டி. மாணவர்களில் 5.89 சதவீதமுமே தலித்துகளாவர். மொத்தம் இந்நிறுவனத்தில் பயிலும் 4687 மாண வர்களில் 559 பேர்கள் மட்டுமே - அதாவது 8.3 சதவீதத்தினரே - தலித்துகள் ஆவார்கள். சுமார் 250 ஹெக்டேர் நிலத்தில் இயங்கிக் கொண்டிருக்கும் இக்கல்வி நிறுவனத்தின் துறை களில் ஆசிரியர்களும் மாணவர்களும் பிரா மணர்களே ஆவார்கள்.

தலித்துகளின் உரிமைகளுக்காகக் கடுமையாகப் போராடுபவரும் இந்நிறுவனத்தில் கணிதத்துறையில் உதவிப் பேரா சிரியராகப் பணியாற்றுபவருமான வசந்தாகந்த சாமி என்பவர், இங்குள்ள அனைத்துத்துறைகளி லும் பணியாற்றும் ஆசிரியர்களில் வெறும் நால்வர் மட்டுமே தலித்துகள் என்றும், இது மொத்த எண் ணிக்கையில் 0.86 சதவீதம் மட்டுமே என்றும் கூறுகிறார்.

அதேபோன்று பி.எச்டி. பட்டத்திற்குப் பதிவு செய் யப்பட்டுள்ள தலித் மாணவர்கள் மிகவும் கொடு மையாக நடத்தப்படுவதாகவும் வசந்தா கூறுகிறார். ஆராய்ச்சிப் படிப்பை அவர்கள் தொடர்ந்து கொண் டிருக்கும் போது திடீரென்று இடைநிலையில் ஆராய்ச்சிப் பாடத்தின் தலைப்பை மாற்றக் கட்டாயப்படுத்தப்படுகிறார்கள் என்றும், அவர்களை ஒழுங்காக முடிக்க விடுவதில்லை என்றும், எழுத்துத் தேர்வுகள் மற்றும் வாய்மொழித் தேர்வுகளி லும் அவர்களைத் தோல்வியடையச் செய்து விடுகிறார்கள். தலித் மாணவர்களைப் பொறுத்தவரைக் கும் ஐஐடி சூழல் மிகக் கொடுமையானதாகும் என்று வசந்தா மேலும் கூறுகிறார்.

இவ்வாறு வசந்தா தலித் மாணவர்களுக்கு ஆதரவாகக் குரல் கொடுப்பதால் நிர்வாகத்திற்கு அவரைப் பார்த்தாலே கசப்பாக இருக்கிறது. எனவேதான் கடந்த பதினேழு ஆண்டுகளாக எவ் வித பதவி உயர்வும் இன்றி உதவிப் பேராசிரிய ராகவே அவர் உழன்று வருகிறார். சர்வதேச அள வில் அவர் பல சாதனைகளைப் படைத்திருந்த போதிலும், அவர் இதுவரை 640 ஆய்வுத் தாள்களை வெளியிட்டிருந்தபோதிலும் அதுபற்றியெல்லாம் நிர்வாகம் கண்டுகொள்ளவே இல்லை.

சுஜி தெப்பால் என்ற ஒரு மாணவி. இண்டர் மீடியட் தேர்வில் கணிதம், இயற்பியல் மற்றும் வேதி யியல் பாடங்களில் 94 சதவீத மதிப்பெண்களைப் பெற்றிருந்தார். அகில இந்திய அளவில் புகழ்பெற்ற ராஞ்சியில் உள்ள பிட்ஸ் நிறுவனத்திலும், பிலானி யில் உள்ள பிட்ஸ் நிறுவனத்திலும் கூட இவருக்கு இடம் கிடைத்தது. ஆயினும் இவர் சென்னை ஐஐடி-யில் படிக்க வேண்டும் என்று மிகவும் ஆவலுடன் இருந்ததால் அங்கு மட்டும் விண்ணப் பித்தார். ஆயினும் அவர் அந்த அளவிற்கு மதிப் பெண்களைப் பெற்றிருந்தும், அவர் தலித் என் பதால், தலித் மாணவர்களுக்கான “முற்பயிற்சி வகுப்பில்” (“யீசநயீயசயவடிசல உடிரசளந”) சேர்ந்து ஓராண்டு படிக்க வேண்டும் என்று கட்டாயப் படுத்தப்பட்டார். பயிற்சியின் முடிவில் வைக்கப்பட்ட தேர்வில் அவர் தோல்வியடைந்ததாக அறிவிக் கப்பட்டிருக்கிறார். என்னே கொடுமை!

ஐஐடி இயக்குநரான எம்.எஸ். ஆனந்த் ஒரு பிராமணர் என்றும் ஐஐடி-யில் துறைகளுக்கான தலைவர்களைத் தேர்வு செய்யும்போது தன் சொந்த சாதியிலிருந்தே தேர்வு செய்வார் என்றும் முன்னாள் நாடாளுமன்ற உறுப்பினரான இரா.அன்பரசு குற்றம் சுமத்தியிருக்கிறார். இந்நிறுவனத் தின் மொத்தம் உள்ள ஆறு முதல்வர்களில் நால்வர் பிராமணர்கள் என்றும் அனைத்து விதி முறைகளையும் மீறி இவ்வாறு ஆனந்த் இவர்களை நியமனம் செய்திருக்கிறார் என்றும் அன்பரசு குற் றச்சாட்டில் மேலும் குறிப்பிட்டிருக்கிறார். தன் குற் றச்சாட்டை மத்திய மனிதவள அமைச்சர் அர் ஜூன் சிங்கை சந்தித்தபோது இரா.அன்பரசு தெரி வித்திருக்கிறார். அர்ஜூன் சிங் கும் இது குறித்து புலனாய்வுக்கு உத்தரவிடுவதாக உத்தரவாதம் அளித்துள்ளார். ஆனால் எதுவுமே நடைபெற வில்லை.

அன்பரசு குற்றச்சாட்டு குறித்து என்ன சொல் கிறீர்கள் என்று கேட்பதற்காக ‘டெகல்கா’ நிருபர் எம்.எஸ்.ஆனந்தையும் அவரது செயலாளரையும் சந்திக்க முயற் சித்திருக்கிறார். ஆயினும், இவை குறித்து கருத்துக் கூற இயக்குநர் கிடைக்க வில்லை என்று செயலாளர், நிருபரிடம் தெரிவித் துள்ளார்.

பாஜக அரசின் மக்கள் விரோத போக்கு

பாரதிய ஜனதா கட்சியின் அரசு என்பது மக்கள் பிரச்சனைகளுக்கு உரிய முக்கியத்துவம் அளிக்காது என்பதற்கு மேலும் ஒரு உதாரணமாகத் தான் ராஜஸ்தான் சம்பவங்கள் உள்ளன.

இம்மாநிலத்தில் உள்ள லட்சக்கணக்கான குஜ்ஜார் இனமக்கள் தங்களைப் பிற்படுத்தப்பட்டோர் பட்டியலிலிருந்து விலக்கி பழங்குடியின மக்கள் பட்டி யலில் சேர்க்க வேண்டும் என்று கோரி வருகிறார்கள். இதற்காக கடந்த ஓராண்டு காலமாகப் போராடியும் வருகின்றனர்.

2003 ஆம் ஆண்டு ராஜஸ்தான் சட்டப்பேர வைக்கு கடந்த தேர்தலில் குஜ்ஜார் இன மக்களை பழங்குடி இனப்பட்டியலில் சேர்ப்பதாக பாஜக வாக் குறுதி அளித்திருக்கிறது.கடந்த 4 ஆண்டுகளாக தந்த வாக்குறுதி நிறைவேற்றப்படாததால் இப்போது நேரடி நடவடிக்கையில் ஈடுபட்டுள்ளனர்.

பாஜக தேர்தல் அறிக்கையில் இப்படி எந்த வாக் குறுதியும் அளிக்கவில்லை என்று ராஜஸ்தான் முதலமைச்சர் வசுந்தராராஜேயும் அம்மாநில உள்துறை அமைச்சர் குலாப்சந்த் கட்டாரியாவும் அடித் துப் பேசுகிறார்கள். இது அச்சடித்த வாக்குறுதியாக இல்லாமல் இருக்கலாம். மேடைப்பேச்சுகளில் அளித்ததாகவும் இருக்கலாம் என்று பட்டிமண்டபம் நடத்திக் கொண்டிருக்கும் நேரமல்ல இது.

மக்களின் கோரிக்கையில் நியாயம் இருக்கிறதா இல்லையா என்பதுதான் கேள்வி. குஜ்ஜார் இன மக்களின் வாழ்நிலைப்படி அவர்களை எஸ்.டி.யாக அறிவிப்பதில் தவறில்லை என்பதால்தான் ஆய்வுக்குழு அமைக்கப்பட்டுள்ளது. ஆனால் அந்தப் பணி வேகத்தில் நடப்பதால்தான் மக்கள் தங்களின் எதிர்ப்பைக் காட்ட அணிதிரண்டுள்ளனர். மூன்று மாவட்டங்களில் நடந்த போராட்டத்தில் சுமார் இரண்டு லட்சம் பேர் திரண்டிருந்தனர் என்றால் அவர்களின் பிரதிநிதிகளுடன் அமைச்சரோ உயர் நிலை அதிகாரியோ பேசியிருக்க வேண்டாமா என்ற கேள்வி நியாயமானது.

ஆனால்,மக்கள் ஒன்று பட்டு உரிமை கேட்பதை பாஜக அரசு விரும்புவதில்லை. ஏற்கெனவே ராஜஸ் தானில் ஏழை சிறுவிவசாயிகளும் விவசாயத் தொழிலாளர்களும் பாசனத்திற்காகத் தண்ணீர் கோரி முற்றுகைப்போராட்டம் நடத்தினார்கள். இதனை சகித்துக் கொள்ள முடியாத பாஜக அரசு காவல் துறையை ஏவி கடுமையாகத் தாக்குதல் நடத்தி விவசாயிகளை படுகொலை செய்தது. விவ சாயிகள் மீது ஏற்கெனவே பாஜக அரசினால் ஏவி விடப்பட்ட போலீசார் நடத்திய துப்பாக்கிச் சூட்டில் 6 பேர் கொல்லப்பட்டனர். ஏராளமானோர் சிறையில் அடைக்கப்பட்டனர். ஆனால், பாஜகவினர் கொஞ் சம் கூட வெட்கமில்லாமல் நந்தி கிராமத்தில் நடந்த நிகழ்வுகளை ஊதி பெரிதாக்கி அவதூறு பிரச்சாரம் மேற்கொண்டனர்.

இப்போது அதையும் மிஞ்சி பொதுமக்கள் மீது துப்பாக்கிச் சூடு நடத்தி 14 பேரை பலி வாங்கியுள்ளது. மக்கள் பிரச்சனை மீதான பாஜக அரசின் அலட்சியப் போக்கை அராஜக அணுகுமுறையை இந்த சம்பவங்கள் காட்டுகின்றன. இந்த கட்சி மத்தி யில் ஆண்ட போதும் மற்ற சில மாநிலங்களில் ஆட்சி செய்த போதும் மக்கள் விரோதப் போக்கை கடைப்பிடித்ததால்தான் ஆட்சிக்கட்டிலிலிருந்து அகற்றப்படும் நிலை ஏற்பட்டது. இருந்தாலும் அதிலி ருந்து பாஜக பாடம் கற்றதாகத் தெரியவில்லை. இந்தக் கட்சிக்கு நிச்சயமாக எதிர் காலத்தில் மக்கள் பாடம் கற்பிப்பார்கள். இந்த துப்பாக்கிச் சூடு குறித்து நீதி விசாரணைக்கு உத்தரவிடப்பட வேண்டும். பலி யானோர் குடும்பங்களுக்கு உரிய இழப்பீடு வழங்க வேண்டும்.

மனிதர் மலத்தை மனிதர் சுமக்கும் கொடுமை நீடிக்கலாமா?

தமிழகம் முழுவதும் துப்புரவு பணி யில் சுமார் ஒன்றரை லட்சம் தொழிலா ளர்கள் வேலை செய்து வருகின்றனர். பெரும்பாலான தொழிலாளர்கள் தாழ்த் தப்பட்ட மக்கள் ஆவர்.திண்டுக்கல் மாவட்டத்தில் மூன்று நகராட்சி,24 பேரூராட்சிகள், 306 ஊராட்சிகளில் சுமார் ஆயிரம் பேர் பணிபுரிந்து வருகின் றனர். மனித மலத்தை மனிதன் கை யால் எடுத்து, தலையால் சுமக்கும் நிலையை 1995ம் ஆணடு தடை செய்து உச்சநீதிமன்றம் தீர்ப்பு வழங்கியுள்ளது. தேசிய மனித உரிமைகள் ஆணைய மும், இது மனித உரிமை மீறல் எனக் கூறியுள்ளது. ஆனால், அதன்பின்பும் இந்நிலை இந்தியாவின் பல மாநிலங்க ளிலும் தமிழகத்திலும் தொடர்வது சுதந்திர இந்திய நாட்டில் அவக்கேடான நிலையாகும்.

மலம் அள்ளும் பணியில் அருந்ததியர் மக்கள் தான் ஈடுபடுத்தப்படுகின் றனர் என்ற செய்தி நமது நாட்டிற்கே தலைக் குனிவை ஏற்படுத்துவதாகும்.கடந்த 2006ம் ஆண்டு செப்டம்பர் மாதம் பிரண்ட் லைன் என்ற ஆங்கில ஏடு ஆய்வு செய்து இந்திய நாட்டின் அவமா னம் என்ற தலைப்பில் வெளியிட்டுள்ள கட்டுரையில் தமிழ்நாட்டில் மட்டும் சுமார் ஒரு லட்சம் பேர் மலம் அள்ளும் பணியில் ஈடுபட்டுள்ளதாக தெரிவித் துள்ளது அதிர்ச்சி அளிப்பதாக உள்ளது.

திண்டுக்கல் மாவட்டத்தில் அகரம்,தாடிக் கொம்பு,அம்மையநாயக்கனூர், ஆயக்குடி ஆகிய பேரூராட்சிகளில் நவீன கழிப்பறை இல்லாமல் எடுப்புக் கழிப்பறையில் மனித மலத்தை மனி தன் அள்ளும் நிலை உள்ளதாக மார்க் சிஸ்ட் கட்சி நடத்திய ஆய்வில் தெரிய வந்துள்ளது. பெரும்பாலான கிராமங் களிலும், சேரிப் பகுதிகளிலும், நகரங் களில் தெரு ஓரங்களில் உள்ள மலத்தை அள்ளும் பணியில் துப்புரவு தொழிலா ளர்கள் குறிப்பாக,அருந்ததியர் பெண் கள் ஈடுபடுத்தப்படுவதாக தெரியவந் துள்ளது. பழனி நகராட்சியில் 15 முதல் 24 வார்டுகள் வரையுள்ள பகுதிகளி லும், திண்டுக்கல்லில் கவாடக்காரத் தெரு, ஆர்.வி. நகர், காமராஜபுரம், லைன் தெரு, செல்லாண்டியம்மன் கோவில் தெரு, பிள்ளையார் பாளையம், கக்கன் நகர், திருமலைச்சாமிபுரம் ஆகிய பகுதி களில் உள்ள கணிசமான வீடுகளில் எடுப்பு கழிப்பறைகள்தான் உள்ளதாக ஆய்வில் தெரியவந்துள்ளது.

மேற்குவங்க அரசு ஒரு விரிவான திட்டத்தை வகுத்து அதற்கான நிதி ஒதுக்கீடு செய்து அதனை முறையாக செயல்படுத்தி மனித மலத்தை மனி தன் அகற்றும் கொடுமையை அறவே தடுத்து நிறுத்தியுள்ளதை இம்மாநாடு பெருமையோடு சுட்டிக்காட்டுகிறது.

தமிழக அரசு ஆளுநர் உரையில் மனித மலத்தை மனிதன் சுமக்கும் கொடுமைக்கு முடிவு கட்டப்படும் என அறிவித்துள்ளது வரவேற்கத்தக்கது. ஆனால் இதனை முடிவுக்கு கொண்டு வர போதுமான நிதி ஒதுக்கப்பட வில்லை என்பதும் கவலை அளிக்கிறது.

உலகின் வேறு எந்த நாட்டிலும் இல் லாத சமூகக் கொடுமைதான் மனித மலத்தை மனிதனே கையால் அள்ளும் நிலையாகும். சமூக ஒடுக்குமுறைக்கு உள்ளாக்கப்பட்டுள்ள தாழ்த்தப்பட்ட அருந்ததியர் மக்களை இதில் இருந்து விடுவிப்பது அவசர அவசியமான கட மையாகும். தமிழ்நாட்டில் தீண்டாமை இல்லை. மனித மலத்தை மனிதன் சுமக்கும் கொடுமை இல்லை. சமூக ஒடுக்குமுறை இல்லை என்ற பெரு மையை நிலை நாட்டுவதை தமிழக அரசு உருவாக்க வேண்டும். இதற்காக முயற்சியையும், திட்டங்களையும் அவ சரத் தன்மையும் உருவாக்குமாறு தமி ழக அரசை இம்மாநாடு கேட்டுக் கொள் கிறது. இந்த இழி நிலையை முடிவுக்கு கொண்டு விரைந்து செயல்பட முன்வரு மாறு அனைத்து ஜனநாயக இயக்கங் களையும் மார்க்சிஸ்ட் கம்யூனிஸ்ட் கட்சி வேண்டுகிறது.

இட ஒதுக்கீடு - 27 சதம் - நீதிமன்றம் - திறமை வங்கி

க.கனகராஜ், தூத்துக்குடி

இந்திய அரசியல் சட்டத்தின் 16(14) வது பிரிவு பிற்பட்ட வகுப்பினருக்கு வேலைவாய்ப்பில் இட ஒதுக்கீடு செய்ய வழிவகை செய்கிறது. மண் டல் கமிஷன் பரிந்துரைக்கு முன்னரும் பிற்பட்ட வகுப்பினருக்கும் பல்வேறு மாநிலங்களிலும் இட ஒதுக்கீடு இருந்தே வந்தது. மண்டல் கமிஷன் பரிந் துரையை அமல்படுத்துவதை எதிர்த்து தொடரப் பட்ட வழக்கில் உச்சநீதிமன்றம் 27 சதம் பிற்பட் டோருக்கு இட ஒதுக்கீடு வழங்க தீர்ப்பளித்தது. அது அமல்படுத்தப்பட்டு வருகிறது. பிற்பட்ட வகுப்பினரில் பொருளாதார ரீதியாக உயர்நிலை (ஊசநயஅல டயலநச) யிலுள்ளோருக்கு இவ்வொதுக் கீடு பொருந்தாவண்ணம் 27 சதம் இட ஒதுக்கீடு அமல்படுத்தப்படுகிறது. 27சதம் ஏன்? 1931க்குப் பிறகு ஜாதி ரீதியான கணக்கெடுப் புகள் நாடு முழுவதும் நடைபெறவில்லை. ஆயினும் மண்டல் கமிஷன் இதர பிற்பட்டோரின் மக்கள் தொகை 52 சதம் எனக் கணக்கிட்டுள்ளது. சுதந் திரத்திற்குப் பிறகு சர்தார் வல்லபாய் படேல் ஜாதி ரீதியான கணக்கெடுப்பைத் தடை செய்துவிட்டார். ஆயினம் பல மாநிலங்கள் தாங்களே இதர பிற்பட் டோர் பட்டியலைத் தயார் செய்து அதன் அடிப் படையில் இடஒதுக்கீட்டை கல்வியிலும் கூட அமல் படுத்தி வந்தன. இவற்றையெல்லாம் அடிப்படையாகக் கொண்டும் விரிவாக தயாரிக்கப்பட்ட கேள்வித் தாள் அடிப்படையிலுமே மண்டல் கமிஷன் இதர பிற்பட்டோர் 52 சதம் தரப்பட்டிருக்க வேண்டும். ஆயினும், நீதிமன்றம் இட ஒதுக்கீடு ஒட்டுமொத் தமாக 50 சதத்தை மீறக்கூடாது என தடை விதித்த தால் ஏற்கெனவே தாழ்த்தப்பட்டோர் மற்றும் பழங்குடியினருக்கு (15+7.5) 22 சதம் இடஒதுக்கீடு அமலில் இருப்பதால் இதர பிற்பட்டோருக்கு 27 சதம் (கூட்டுத் தொகை 50க்குள்) என்று முடிவு செய்யப்பட்டது. யாருக்கு என்ன வேலை? ஜனநாயகத்தின் மூன்று பிரிவுகளான நாடாளு மன்றம், நிர்வாகம், நீதித்துறை இவற்றின் பணிகள் அரசியல் சட்டத்தால் தெளிவாக வரையறுக்கப்பட் டுள்ளன. நாடாளுமன்றம் மற்றும் சட்டமன்றங்கள் - சட்டங்களை உருவாக்கும் நிர்வாகம் - உருவாக்கப்பட்ட சட்டத்தை அமல்படுத்தும். நீதிமன்றம் - சட்டத்தை வியாக்கியானம் செய்யும், அமலாக்கத்தை கண்காணிக்கும். சமீபகாலமாக நீதிமன்றம் இதர பிரிவுகளின் அதிகாரங்களை தானே எடுத்துக் கொள்ளும் முயற்சியில் இறங்கியுள்ளதற்கான பல்வேறு உதார ணங்களைச் சொல்ல முடியும். நாடாளுமன்றத்தின் அதிகாரத்தில் தலையிட்டது அரசியல் சட்டத்தின் 9வது அட்டவணையில் உள்ளவையும் நீதித்துறை யின் பரிசீலனைக்குரியதே என்பது நிர்வாகத்தின் தலையீட்டில் கடைசி உதாரணம் உயர் கல்வி நிறுவனங்களில் மாணவர் சேர்க்கையில் 27 சதம் இட ஒதுக்கீட்டிற்கு தடை. இட ஒதுக்கீட்டிற்கு தடை சரியா? 1. உச்சநீதிமன்றத்தின் 9 பேர் கொண்ட பெஞ்ச் வேலை வாய்ப்பில் 27 சதம் இதர பிற்பட்டோருக்கு இட ஒதுக்கீட்டை அனுமதித்துள்ளது. வேலை வாய்ப்பில் இட ஒதுக்கீட்டை அனுமதிப்போம். அதற்கு அடிப்படையான கல்வியில் அனுமதிக்க மாட்டோம் என்பது என்ன நியாயம்? கல்வி நிறுவ னங்களில் மாணவர் சேர்க்கையில் இடஒதுக் கீட்டை தடை செய்துள்ளது இருவர் கொண்ட பெஞ்ச். 2. 27 சதம் இதர பிற்பட்ட வகுப்பினர் உள்ள னரா என்ற கேள்வி நியாயமெனில் எத்தனை சதவீ தம் உள்ளனரோ அத்தனை சதவீதமல்லவா இட ஒதுக்கீடு அனுமதிக்க வேண்டும். அதற்கு மட்டும் 50 சதம் என்கிற அடக்குமூடி எதற்கு? 3. 27சதம் வேலையில் இட ஒதுக்கீட்டை அனு மதித்திருப்பதும் உச்சநீதிமன்றம்தானே? 4. நாடாளுமன்றம் ஏறத்தாழ ஏகமனதாக (அர சியல் சட்ட திருத்தம் 93 அரசியல் சட்டத்தில் 15 (5) பிரிவை புதிதாக உருவாக்கியது. இதை நீதி மன்றம் கேள்விக்குள்ளாக்குமெனில் நாடாளு மன்றம் சட்டமன்றங்களின் வேலை என்ன? இவையெல்லாம் நீதிமன்றம் அரசின் இதர அங்கங்களின் அதிகாரத்தில் தலையிடுவது என் பது மட்டுமல்ல. பணக்காரர்களுக்கும் முதலாளி களுக்கும் ஆதரவாக சேவகம் செய்ய முனைந் துள்ளதன் வெளிப்பாடே. எனவேதான் மார்க்சிஸ்ட் கட்சியின் மத்தியக் குழு தேசிய நீதி ஆணையம் வேண்டும் என வலி யுறுத்தியுள்ளது. நீதி ஆணையத்தின் உறுப்பினர் களாக பணியிலிருக்கும் நீதிபதிகள் மட்டும் இருந் தால் போதாது என வலியுறுத்தியுள்ளது. இட ஒதுக்கீட்டை எதிர்ப்போரின் வாதம் வாதம் 1 நாட்டை சாதியாக பிரிவுபடுத்தும் நடவடிக்கை. நியாயம் 1 இந்த வாதம் அபத்தமானது. நாட்டு மக்கள் எந்த அடிப்படையில் பின் தங்கியுள்ளனரோ அந்த அடிப்படையில்தானே நிவாரண நடவடிக்கை மேற் கொள்ள முடியும். பொருளாதார வரம்பு மட்டம் வைத்தால் ஏழை, பணக்காரன் என்ற பிரிவை உருவாக்காதா? வடகிழக்கு மாநிலங்களுக்கு கூடுதல் நிதி ஒதுக்குவது நாட்டை பூகோள அடிப் படையில் பிளவுபடுத்தி விடுமா? வாதம் 2 வாக்கு வங்கிக்காகவே இட ஒதுக்கீடு, நாங்கள் திறமை வங்கிக்காக வாதிடுகிறோம். நியாயம் 2 நல்ல வார்த்தை ஜாலம், உயர்கல்வி நிறுவனங் களில் படித்தோர் எத்தனை சதம் இந்திய அரசு நிறு வனங்களிலும், பொதுத்துறை நிறுவனங்களிலும் பணிபுரிகின்றனர். பெரும்பாலும் அன்னிய நாட் டிலும் இந்தியாவில் அன்னிய நிறுவனங்களிலும் தனியார் நிறுவனங்களிலும்தானே பணிபுரிகின் றனர். அங்கெல்லாம் இட ஒதுக்கீடே கிடையாதே? எனவே இந்தக் கேள்வி தனக்கு போட்டி வரக் கூடாது என்பதற்காகத்தானே தவிர போட்டியில் இதர பிற்பட்ட வகுப்பினருக்கு சலுகையளித்து தங் கள் வாய்ப்பு பறிக்கப்படும் என்பதால் அல்ல. இவர்கள்தானே வேலைவாய்ப்பில் இட ஒதுக் கீடு அமல்படுத்தப்பட்டபோது முதலில் கல்வியில் ஒதுக்கீடு செய், பின்னர் வேலைவாய்ப்பில் செய்ய லாம் என்றவர்கள். இன்னும் சொல்லப்போனால் இப்போது பொதுப் போட்டியில் சேர்வோருக்கான எண்ணிக்கை குறைக்கப்படாமலேயே இட ஒதுக்கீடு அமல்படுத்த வகை செய்யப்பட்டிருக்கிறது. போட்டிக்கு புதியவர் கள் வருகிறார்கள் என்பதைத் தவிர ஏற்கெனவே போட்டியிடுவோர் போட்டியிலிருந்து நீக்கப்படுவது என்கிற பிரச்சனையே எழவில்லையே. இதற்கு ஏதுவாகவே மத்திய அரசு கல்விக்கு கூடுதல் நிதி ஒதுக்கியுள்ளது. குறிப்பாக, உயர் கல்விக்கு 34 சதம் ஒதுக்கப்பட்டுள்ளது. சாதிய ஒடுக்குமுறைக்கு உள்ளாக்கப்பட்டவர் களுக்கான ஒரு இடைக்கால ஏற்பாடே இட ஒதுக் கீடு. எல்லோருக்கும் கல்வியும் வேலையும் உத் தரவாதமாக்கப்படும் வரை சமத்துவத்திற்கான போராட்டம் தொடரவே செய்யும். இட ஒதுக்கீடு எவரும் தருகிற சலுகையல்ல. மறுக்கப்பட்ட வாய்ப் புகளை பெறுவதற்கான, போட்டிக்கு தயாராவதற் கான அடிப்படை உரிமை. இது மட்டுமே போதுமான தல்ல. ஆனால், நிச்சயம் அவசியமானது. அப்போது தான் வாய்ப்பும் அதன்மூலம் வாழ்வும் மறுக்கப்பட்ட வர்கள் சமூக நீரோட்டத்தில் இதரரோடு சமவாய்ப் பில் போட்டியிடுவதற்கான அடிப்படை அதாவது வாய்ப்பில் சமத்துவம்.

நீதிமன்ற தீர்ப்புகள் : அன்றும்-இன்றும்

உலகமயமாக்கல் கொள்கை யால் விவசாயம், தொழில், கல்வி, சுகா தாரம், தொழிலாளர் நலம் அனைத்தும் பாதிக்கப்பட்டுள்ளது.

இதனை எதிர்த்து நாட்டு மக்கள், தொழிலாளர்கள், அரசு ஊழியர், ஆசிரி யர்கள் போராடும்போது இவர்களை ஒடுக்க மத்திய - மாநில அரசுகள் தனது நிர்வாகத்தையும் போலீசையும் பயன்படுத்துகிறது.

நீதிமன்றமும் உலகமயமாக்கல் கொள் கைக்கு ஆதரவாக தனது தீர்ப்புகளை வாரி வழங்கி வருகிறது.

உலகமயமாக்கலுக்கு (1990க்கு) முன் தீர்ப்புகள்

1. போனஸ் என்பது கொடுபடா ஊதியம் ஆகும்.

2. விசாரணையற்ற வேலைநீக்கம் தவறானது.

3. பொதுத் துறைகள் தேசத்திற்கு தேவையானது.

4. வேலை நிறுத்த உரிமை உண்டு.

5. சம வேலைக்கு சம ஊதியம் வழங்க வேண்டும்.

6. தவறான பணி நீக்கம் செய்யப் பட்ட ஊழியருக்கு தொடர் பலன் களுடன் வேலை, வேலையிழந்த நாட்களுக்கு சம்பளம் வழங்க வேண்டும்.

7. ஒப்பந்த தொழிலாளர் முறையை ஒரு நிறுவனம் ரத்து செய்யும் போது, அதில் பணியாற்றும், ஒப்பந்த தொழிலாளர்கள், தானா கவே நிரந்தர ஊழியர்கள் ஆகி விடுவார்கள்.

உலகமயமாக்கலுக்கு (1990க்கு) பின் தீர்ப்புகள்

1. அரசு ஊழியர், ஆசிரியருக்கு வேலை நிறுத்த உரிமையில்லை.

2. ஆர்ப்பாட்டம், பேரணி, பந்த், வேலைநிறுத்தம் போன்ற ஜன நாயக நடவடிக்கைகளுக்கு தடை.

3. நிரந்தர ஊழியருக்கு இணை யாக, தினக்கூலி ஊழியரை கருத முடியாது.

4. ஒப்பந்த ஊழியர்கள், நிரந்தர ஊழியருக்கு இணையாக சம ஊதியம் உரிமை கோர முடியாது.

5. ‘தொழிலாளர் நலன்’ என்பது தொழிலாளிக்கு மட்டும் சொந்த மாகவுள்ளது. சட்டத்தில் ‘முதலாளி நலன்’ பற்றியும் இடம் பெற வேண்டும்.

6. அதிகாரியிடம் வார்த்தை மீறி பேசியதற்கு செய்த வேலை நீக் கம் சரியானது.

7. சிறிய தவறுகளுக்கு கூட (பணி யிடத்தில் தூங்கியதற்காக) பணி நீக்கம் செய்தது சரியானது.

8. பொதுத்துறை பால்கோ நிறுவ னம் தனியார்மயம் நியாயமா னது.9. டெல்லி நகரில் மின்சாரம், குடிநீர் விநியோகம் தனியாருக்கு கொடுத்தது சரியானது தான்.

10. தற்காலிக ஊழியருக்கு சேமநல நிதி திட்டம், ஈஎஸ்ஐ திட்டம் கிடையாது.

11, தற்காலிக ஊழியரை, பணி நிரந் தரம் செய்ய, வயதுதளர்வு செய்ய தேவையில்லை.

12. பணி நீக்கம் செய்யப்பட்ட ஊழி யர் மீண்டும் பணியில் சேர்க் கப்பட்டால், இடைப்பட்ட காலத் திற்கு பணி காலமாக கருதி ஊதியம் வழங்க தேவையில்லை. பணிதொடர் ஆணையும் வழங்க தேவையில்லை.

13. சட்ட விரோத வேலை நிறுத்தத் தில் ஈடுபடும் ஊழியர்களை பணி நீக்கம் செய்யலாம்.

14. பணி நிரந்தரம் செய்ய தொடர் ந்து 240 நாட்கள் பணி புரிந்தது பற்றி சம்பந்தப்பட்ட ஊழியரே நிரூபிக்க வேண்டும். நிர்வாகம் அல்ல. (ஆனால் ஆவணங்கள் அனைத்தும் நிர்வாகத்திடமே உள்ளன).

15. ஒரு நிறுவனம் ஒப்பந்த தொழி லாளர் முறையை ரத்து செய்தால், அதில் வேலை செய்யும் ஒப்பந்த தொழிலாளர்களை நிரந்தரம் செய்ய வேண்டியதில்லை.

16. ஆண்டுக்கணக்கில் தினகூலி, தற்காலிக ஊழியர்களாக பணி புரிந்தாலும், நிரந்தரமாக்கப்பட வேண்டும் என்பது கட்டாயமல்ல.

17. நிர்வாகம் யாரை வேண்டு மானாலும் நேரடியாக வேலைக்கு நியமிக்கலாம், நீக்கலாம்.

18. “சமவேலைக்கு சம ஊதியம்” என்பதை இயந்திர ரீதியாக பார்க்கக் கூடாது.

19. தொழிலில் ஏற்படும் பிரச்சனை களை தொழிலாளர் கோணத் தில் இருந்து மட்டும் பார்ப்பது சரியில்லை. தொழில் நடத்தும் முதலாளி கோணத்திலும் பார்க்க வேண்டும்.

20. தனியார் சுய நிதி கல்லூரிகளில் இட ஒதுக்கீடு செய்து உத்தர விட்ட அரசு உத்தரவை ரத்து செய்தது.

21. ஒப்பந்த அடிப்படையில் நியமிக் கப்பட்ட 1880 கம்ப்யூட்டர் ஆசிரி யர்களை தமிழக அரசு பணி நிரந்தரம் செய்து உத்தரவிட்டது. ‘இவர்களுக்கு முன்னுரிமை வழங்கி பணி நிரந்தரம் செய்ய தேவையில்லை’ என கூறி அரசு உத்தரவை ரத்து செய்தது.

பின் நீ என்ன கடவுள்?

என்னென்னவோ நடக்கிறது பூமியில்.
பின் நீ என்ன கடவுள்?"
மனிதனின் கேள்வி உரத்து ஓலித்தது.
கடவுள் நேரில் வந்தான்,
"இப்படி நேரில் வந்துதான் உன்னை நீ
நிருபிப்பாயெனில்,
பின் நீ என்ன கடவுள்?"
மனிதனின் அடுத்த கேள்வி.
கடவுள் இப்போது வாய்திறந்தான்:
"என்னால் எதையும் சரிப்படுத்த முடியும்."
"எதுவும் வந்தபிறகு சரிப்படுத்துவாயோ?
வருமுன் காக்க முடியாதெனில்,
பின் நீ என்ன கடவுள்?"
மனிதன் மறுபடி கேட்க
மறைந்தே போனான் கடவுள்.

அ.குமரேசன்.
தீக்கதிர்

எப்பொழுது விடியல்?, எங்கே விடியல்?

ரவன்தாபாய் காம்பளே தன் ஆறு வயது மகனிடம் பேசி பல மாதங்கள் ஆகிறது, புரிபாயின் நிலையும் இதுவே.இது மகராஸ்ட்ரா மாநிலத்தின் கோண்டியா மாவட்டத்தில் வசிக்கும் பல நுறு பெண்களின் அவலநிலை. இவர்களால் ஒரு நாளைக்கு நான்கு மணி நேரம் மட்டுமே வீட்டில் கழிக்கமுடிகிறது , அதுவும் நடு இரவில். வாரத்திற்கு 1000 கி.மீ. மேல் பிரயாணம் செய்ய வேண்டியுள்ளது வெறும் 30 ரூபாய் ஒரு நாளைக்கு சம்பாதிக்க.

இவர்கள் ஒன்றும் கிரமத்திலிருந்து நகரத்திற்க்கு குடிபெயரும் அகதிகள் அல்ல, ஒரு காலத்தில் நகர்புரத்தில் பீடி தொழிற்சாலைகளில் வேலைப்பார்த்து, அத்தொழில் நசிந்ததால் அறுகாமயில் இருக்கும் கிராமங்களில் விவசாய கூலிகளாக வேலை தேடி அலையும் ஏழைகள், தினமும் 20 மணி நேரத்தை தன் வீட்டை விட்டு வெளியே கழிக்கும் பரிதாபத்துக்குரியவர்கள்.

இப்பெண்களின் ஒரு நாள் வேலை பளுவை சற்றே பார்ப்போம்.

விடிகாலை நான்கு மணிக்கே எழுந்து குழ்ந்தைகள் துங்கும்பொழுதே வீட்டு வேலைகளை முடித்துவிட்டு, ஐந்து அல்லது அதற்கு மேற்ப்பட்ட கி.மீட்டர் நடந்தால் ரயில் நிலையத்தை அடையலாம். பசியிலும் அரை தூக்கத்திலும் ரயிலின் துறு ஏறிய தரையில் அமர்ந்து இரண்டு மணி நேரம் - 78 கி.மீ பயணித்தால் சல்வா கிராமத்தை 9 மணிக்கு அடையலாம், இங்கு பசி அமர ஒரு விவசாய வேலை கிடைக்கும் என்ற நம்பிக்கையோடு.

இவர்கள் ரயிலில் பயணச்சீட்டு எடுப்பதேயில்லை , அப்படி எடுக்கும் பட்சத்தில் இவர்களது தினக்கூலியான 30 ரூபாய்க்கு மேல் தேவைப்படும். ஒரே ஆறுதல் பயணச்சீட்டு சோதிப்பாளர். இவருக்கு தெரியும் இப்பெண்களால் பயணச்சீட்டு எடுக்க இயலாது என்று. அகப்படும் வேலைகளில் 5 ரூபாய் லஞ்சமாக பெற்றுக்கொண்டு விட்டுவிடுவார்.

சல்வா கிழக்கு விதார்பாவில் உள்ள சிறிய கிராமம். பிரச்சனைக்குரிய B.T காட்டன் பகுதியை விட்டு சற்று தொலைவே உள்ளது என்றாலும் இங்கும் உலகமயமாக்கலின் தாக்கம் கடுமையாகவே உள்ளது. இங்கு பெண்கள் பெரும்பாலும் களைப் பிடுங்கவே ஈடுபடுத்தப்படுகிறார்கள்.

மாலை 5.30மணி வரை வேலைப் பார்த்தபின் 3 அலலது 4கி.மீ வயல்வேளியில் நடந்தால் மறுபடியும் ரயில் நிலையம். ஆனால் ரயில் இரவு 8 மணிக்குதான் வரும். இரண்டு மணி நேரம் பயணித்து, ஒரு மணி நேரம் நடந்தால் இரவு 11மணிக்கு மேல் வீட்டை அடைந்தால் குடும்பத்தினர் அனைவரும் அவரவர் வேலைக் களைப்பில் அயர்ந்து துங்குவதையே கானலாம்.

நான்கு மணி நேரம் தூக்கம் ஆட்க்கொண்டால் மறுபடியும் காலை 4 மணி, தூங்கும் குழந்தைகள், நடைப்பயணம், ரயில், வேலை ........... வாழ்க்கை சக்கரம் சுழல தொடங்கும்.

வெறும் 30 ரூபாய் பெற 170 கி.மீட்டகள் பிரயானித்து தன் வாழ்க்கையை தொலைக்கும் இப்பெண்களின் வாழ்வில் எப்பொழுது விடியல்?,எங்கே விடியல்?.

நன்றி பி.சாயநாத், தி ஹிந்து.

நாராயணமூர்த்தியின் கனவு ( உளறல் )

“இந்தியாவிலுள்ள வறுமையை ஒழிக்க முதலாளித்துவமே ஒரே வழி” என்று திருவாய் மலர்ந்துள்ளார் இன்போசிஸ் நாராயணமூர்த்தி. அதோடு நிற்கவில்லை.“அந்த ஒரு விஷயம்தான் நமக்கு நம்பிக்கை அளிப்பதாக உள்ளது” என்றும் கூறியுள்ளார்.சிஎன்என்-ஐபிஎன் தொலைக்காட்சிக்கு அளித்துள்ள பேட்டியில்தான் இவ்வாறு குறிப்பிட்டார்.

முதலாளித்துவத்தால் வறுமை தீர்ந்து விட்டது என்று ஒரு நாட்டை உதாரணமாகக் காட்டியிருந்தால் அவர் கூறுவது நம்பும்படியாக இருந்திருக்கும்.

2000ல் வறுமையில் வாழும் அமெரிக்க குடிமக்களின் எண்ணிக்கை 3 கோடியாக இருந்தது. 2005ல் அந்த எண்ணிக்கை 3 கோடியே 70 லட்சமாக அதிகரித்துள்ளது.வறுமையால் வாடுபவர்களில் 1 கோடியே 30 லட்சம் பேர் குழந்தைகளாவர். இது அமெரிக்க அரசு தரும் அதிகாரப்பூர்வ தகவலாகும். இவர் கூறும் முதலாளித்துவத்தின் தலைமையகத்துடைய லட்சணமே இது தான். இந்தியாவை விட பணம் அதிகம் புழங்கும், மக்கள் தொகை குறைவாக உள்ள அமெரிக்காவுக்கே இந்தக் கதியென்றால் நமக்கு கட்டுப்படியாகுமா?

கம்யூனிசத்தை நடைமுறைப்படுத்திய அனைத்து நாடுகளும் தோற்று விட்டன என்று குற்றம் சாட்டியுள்ளார்.“பார்த்தீர்களா...கம்யூனிச நாடுகளில் வாழ்க்கைத்தரம் எப்படி இருந்தது?தற்போது முதலாளித்துவத்தை நடைமுறைப்படுத்தியவுடன் அந்நாட்டு மக்களின் வாழ்க்கை பிரமாதமாக உள் ளது”என்று கூறியிருந்தால் கேட்பவர்களுக்கு நம் பிக்கையை ஊட்டியிருக்கும்.சோஷலிச அமைப்பு சிதைக்கப்பட்ட பிறகு ரஷ்யாவிலும் சரி, கிழக்கு ஐரோப்பிய நாடுகளிலும் சரி, பெரும்பான்மையான மக்களின் வாழ்க்கைத்தரம் சீரழிந்துள்ளது என்பதுதானே உண்மை!

அமெரிக்காவின் சட்டவிரோதத் தடைகளையும் மீறி சுகாதாரம் மற்றும் கல்வித்துறைகளில் கியூபா பெரும் சாதனைகளைச் செய்தது சோச லிசத்தினால்தானே? வெறும் 1.9 சதவீதத்தினர் தான் அங்கு வேலைவாய்ப்பின்றி
இருக்கின்றனர். கம்யூனிசம் தோல்வியுறவில்லை.

“முந்தைய சமூகங்களுக்குச் சிறிதும் குறையாத அளவில் இன்றைய முதலாளித்துவச் சமூகம்,மக்களில் மிகவும் அதிகமான பெரும்பான்மையினரைச் சிறு பான்மையினர், மேன்மேலும் குறைந்து கொண்டிருக்கிற சிலர் சுரண்டுவதற்காகப் பயன்படுத்து கின்ற பகட்டான நிறுவனமே (முதலாளித்துவம்) என்பது அம்பலப்படுத்தப்பட்டுவிட்டது” என்று ஏங்கெல்ஸ் கூறியது இன்றைக்கும் பொருந்தக் கூடியதாகத்தான் இருக்கிறது.

லத்தீன் அமெரிக்க நாடுகளில் நவீன பொருளாதாரக் கொள்கைகளையும், முதலாளித்துவ ஏகாதிபத்தியத்தையும் எதிர்த்து மக்கள் கிளர்ந்தெழுந்து வருவது முதலாளித்துவத்தின் வெற்றி என்று நாராயணமூர்த்தி கருதிக்கொள்கிறாரா?

ஆட்குறைப்பு உரிமை தேவை என்று கோரிக்கை வைத்துள்ளார். சமூகத்தின் மீது எவ்வளவு அக்கறை பாருங்கள். கோடிக் கணக்கானோர் வேலை தேடி அலைந்து கொண்டிருக்கும் இடத்தில் ஆட்குறைப்பு உரிமைகோரும் நாராயண மூர்த்தியின் கவனம் தன் சகாக்களின் லாபத்தைச் சுற்றியே வருகிறது. அது சரி, குருட்டுக் கழுதைக்கு இருட்டைப் பற்றி என்ன கவலை?

அனைத்து பொதுத்துறை நிறுவனங்களையுமே தனியார் மயமாக்க வேண்டும் என்று கூறியுள்ளார். நேருவின் நவீன இந்தியாவின் ஆலயங்களில் ஒன்றான பொதுத்துறை நிறுவனத்தில் இளம் பொறியாளராக பணியில் அமர்வது தனது கனவாக இருந்தது என்று 2000ல் அளித்த பேட்டியில் தெரிவித்தவர் இந்த நாராயணமூர்த்தி (ஆதாரம் -இந்தியா-செமி னார்.காம்).அந்த ஆலயங்களைத்தான் கரசேவை நடத்தி சின்னாபின்னமாக்கத் துடிக்கத் தொடங்கியிருக்கிறார்.

கல்வி, சுகாதாரம், வறுமை ஒழிப்பு, தொழில் வளர்ச்சி ஆகியவற்றில் அளப்பரிய சாதனைகளைச் செய்த சோசலிசத்தின் மீது இவரை 60 மணி நேரம் விசாரித்ததால் (பல்கேரியாவுக்கு பயணம் செய்தபோது) வெறுப்பு ஏற்பட்டு விட்டதாம். நமது நாட்டின் பாதுகாப்புத்துறை அமைச்சரை நிர்வாணமாக்கி சோதனையிட்டார்களே. ஞாபகமிருக்கிறதா நாராயணமூர்த்தி அவர்களே?. 60 மணி நேர விசாரணை உங்களை முதலாளித்துவவாதியாக மாற்றியது நியாயம் என்றால், நாட்டின் பாதுகாப்புத் துறை அமைச்சரை காட்டுமிராண்டித்தனமாக அமெரிக்க அரசு நிர்வாணமாக்கியது ஒன்றே போதுமே, இந்த நாடு முழுவதும் இடதுசாரி மயமாவதற்கு.

நாசகரப் பாதையில் இந்தியா செல்ல வேண்டும் என்ற ஆசையோடு, அவ்வாறு செல்வது விரைவு படுத்தப்பட வேண்டும் என்ற அவசரம் அவரது குரலில் தெரிகிறது.

நான் மனதால் முதலாளித்துவவாதி. இதயத்தால் சோசலிசவாதி என்று ஒரு பேட்டியில்(தி இந்து, 3.7.06) கூறியவர்தான் இந்த நாராயணமூர்த்தி. பணம் வந்தவுடன் இதயத்தைப் பறி கொடுத்து விட்டார் போலும். தூக்கம் கலைந்ததால் ஏற்பட்ட உளறல் போலத் தெரியவில்லை. வேஷம் கலைந்த தாகவே படுகிறது.

BJP யும் பதவிவெறியும்

மறுபடியும் மூன்று வறுடங்களுக்கு பாரதிய ஜனதா கட்சியின் தலைவராக ராஜ்நாத்சிங் தேர்ந்தெடுக்கப்பட்டுள்ளார்.ஆர்‍எஸ்‍எஸ்-ன் ஆசியுடன் அயோத்தியில் கோவில், பொது சிவில் சட்டம் மற்றும் 370வது பிரிவை நீக்குதல் போன்றவை மீண்டும் பிரதான கோஷங்களாக எழும் முயற்சி நடந்து வருவது ஆச்சரியத்தைத் தரவில்லை.

மேலும், சிறுபான்மையினரைத் திருப்திப்படுத்தும் அரசியலுக்கு முற்றுப்புள்ளி வைக்கப்போவதாகவும் கூறியுள்ளனர்.இதற்காக 2026ஆம் ஆண்டை காலக்கெடுவாகவும் குறித்துள்ளனர்.

சில மாதங்களுக்கு முன் யார் அந்த ராஜ்நாத்சிங் என்று கேட்குமளவுக்கு இருந்த அவர்,தற்போது நாட்டின் பிரதமருக்கான போட்டியில் களத்தில் இறங்கியுள்ளார்.போட்டியிலிருந்து விலகிக் கொள்வது பற்றி அத்வானியும் முடிவெடுக்கவில்லை. இந்த பட்டியலில் வாஜ்பாயின் பெயரும் உள்ளது, தேர்தலில் இனி போட்டியிடப் போவதில்லை என்று அவர் கூறியிருந்தது பதிவு செய்யப்பட்ட ஒன்று.

2009ஆம் ஆண்டில் வாஜ்பாயும், அத்வானியும் 80 வயதைக் கடந்தவர்களாக இருக்கும் பட்சத்தில் பிரதமர் பதவிக்கு தனக்குப் போட்டியாக வேறு யாறும் இருக்கப் போவதில்லை என்ற கணக்கில்தான் ராஜ்நாத்சிங் தன்னை முன்னிறுத்திக் கொண்டுள்ளார். ஆர்‍எஸ்‍எஸ்-ம் அவருக்கு தனது முழு ஆதரவை அளிக்கும். இதனால்தான் சர்ச்சைக்குரிய மூன்று பிரச்சனைகளையும் ராஜ்நாத்சிங் முன்வைத்துள்ளார்.

ராஜ்நாத்சிங் ஒரு விஷயத்தைப் புரிந்து கொள்ள வேண்டும்.இந்துத்துவா என்பது வாக்குகளைப் பெற்றுத் தருவதில் ஒரு குறிப்பிட்ட அளவே பலன் தரும். அவர் முன் நிறுத்தும் மூன்று விஷயங்களையும் ஆட்சியில் இருந்தபோது கிடப்பில் போட்டிருந்தது அவருக்கு நினைவிருக்கும். தற்போது பதவி நாற்காலி தொலை தூரத்தில் இருக்கும்போது, கோவில் அங்கேயே கட்டுவோம் என்ற பாடலை அவர் தயக்கமில்லாமல் பாடலாம்.ஆனால் 2009ஆம் ஆண்டின் துவக்கத்திலேயே அதற்கு வாய்ப்பில்லாமல் போய்விடும்.

- 'தி இந்து ' தலையங்கத்தின் (டிச.26) பகுதிகள்.